ગાંધીનગર મનપામાં વહીવટદાર તરીકે મ્યુનિસિપલ કમિશરનની નિમણૂક કરાઈ

ગાંધીનગર :

ગાંધીનગર મ્યુનિસિપલ કોર્પોરેશનની 18 એપ્રિલે યોજાનાર ચુંટણી રાજય ચુંટણી પંચ દ્વારા કોરોના કાળને ધ્યાને રાખી મુલત્વી કરી દેવાતાં આગામી 5મી મે ના રોજથી ચૂંટાયેલી પાંખ ની મુદત પૂર્ણ થવાની છે ત્યારે શહેર વસાહત મહા સંઘના વિરોધ વચ્ચે ગાંધીનગર મ્યુનિસિપલ કોર્પોરેશનનાં વહીવટદાર તરીકે કમિશ્નર ડો. રતન કુંવર ગઢવી ચારણ ની નિમણૂક કરીને તેઓને નીતિ વિષયક નિર્ણયો નહીં લેવાનો શહેરી વિકાસ અને શહેરી ગૃહ નિર્માણ વિભાગના સંયુક્ત સચિવ દ્વારા આદેશો પણ આપી દેવામાં આવ્યા છે.

ઉપરાંત ચૂંટણી પછી સ્ટેન્ડીંગ કમિટીની રચના થાય ત્યાં સુધી સ્ટેન્ડીંગ ને મળેલી તમામ સત્તાનો ઉપયોગ કમિશનર દ્વારા કરવામાં આવશે. જો કે તેઓ નીતિ વિષયક કોઈ જ નિર્ણય લઈ શકશે નહીં તેવો પણ સંયુક્ત સચિવ દ્વારા કરી દેવામાં આવતા આગામી 5 મી મે થી હાલની ચૂંટાયેલી પાંખ નવરી ધૂપ થઈ જશે તે નક્કી છે.