મિથુનની પુત્રી દિશાનીએ એક શોર્ટ ફિલ્મ દ્વારા હોલિવૂડમાં ડેબ્યુ કર્યું
મુંબઈઃ બોલિવૂડ ડાન્સિંગ સ્ટાર મિથુન ચક્રવર્તીની દીકરી દિશાનીએ એક શોર્ટ ફિલ્મ દ્વારા હોલિવૂડમાં એન્ટ્રી કરી છે. આ ફિલ્મમાં તે લીડ રોલ કરી રહી છે.દિશા મિથુન અને યોગિતા બાલીની દત્તક પુત્રી છે. તેણે ન્યૂયોર્ક ફિલ્મ એકેડમીમાં અભિનયનો કોર્સ લીધો અને બાદમાં લોસ એન્જલસમાં ફિલ્મ નિર્માણની તાલીમ લીધી.દિશાની હોલીવુડની શોર્ટ ફિલ્મ ‘ધ ગેસ્ટ’માં લીડ રોલમાં છે.
આ ફિલ્મ અનેક આંતરરાષ્ટ્રીય શોર્ટ ફિલ્મ ફેસ્ટિવલમાં પણ દર્શાવવામાં આવી છે. હવે તે પોતાની બીજી શોર્ટ ફિલ્મ પણ લખી રહી છે.તેના બંને ભાઈઓ મિમોહ અને નમાશીએ અભિનયમાં પોતાનું નસીબ અજમાવ્યું છે. જોકે, મિમોહને સફળ સ્ટાર બનાવવાના મિથુનના પ્રયાસો નિષ્ફળ ગયા. દિશા તેના ભવિષ્યમાં બોલિવૂડમાં પગ મૂકશે કે કેમ તે અંગે અટકળો ચાલી રહી છે.
