પેટ્રોલ-ડિઝલ બાદ CNGના ભાવમાં 10 દિવસમાં 5.19 રૂપિયાનો ઘરખમ વધારો
પેટ્રોલ-ડીઝલના ભાવમાં ભડકો થઈ રહ્યો છે, બન્નેની કિંમત 100ને પાર જતી રહી છે, આવામાં CNG પર નિર્ભિત વાહનચાલકોને પણ ભારે ફટકો પડી રહ્યો છે. કારણે કે માત્ર 10 દિવસની અંદર જ CNGના ભાવમાં ₹5.19નો તોતિંગ વધારો થયો છે. CNGના ભાવમાં થઈ રહેલા વધારાના કારણે સૌથી મોટો ફટકો રિક્ષા ચાલકોને પડી રહ્યો છે જેના લીધે ભાડામાં પણ વધારો કરવાની માંગ ઉઠી રહી છે. આ મામલે આગામી દિવસોમાં કોઈ મહત્વનો નિર્ણય લેવામાં આવી શકે છે.
પેટ્રોલના ભાવમાં વધારો થતા વાહનોમાં મોંઘી CNG કીટ પાછળ ખર્ચો કરનારા લોકોને પણ પસ્તાવાનો વારો આવ્યો છે. CNGના ભાવમાં 2 ઓક્ટોબરના રોજ 2.56 રૂપિયાનો વધારો થતા ભાવ 58.86 રૂપિયા પર પહોંચી ગયો હતો. આ પછી તેમાં 6 ઓક્ટોબરે 1 રુપિયાનો અને 11 ઓક્ટોબરે 1.63 રૂપિયાનો વધારો થતા CNGની કિંમત 60 રૂપિયાને પાર કરીને 61.49 રૂપિયે પહોંચી ગયા છે. આ માત્ર 10 દિવસના ટૂંકાગાળામાં જ 5.19 રૂપિયાનો જંગી વધારો થઈ ગયો છે.
