શ્રી ઉત્તર દશક્રોઇ કડવા પાટીદાર સમાજની જનરલ સભા છત્રાલ ખાતે યોજાઈ

શ્રી ઉત્તર દશક્રોઇ કડવા પાટીદાર સમાજની જનરલ સભાનું આયોજન કરવામાં આવ્યું હતું. તા.૧૨/૦૬/૨૦૨૨ના રોજ કલોલ તાલુકાના છત્રાલ મુકામે છત્રેશ્વર મહાદેવની વાડીમાં સમાજના આગેવાનોની હાજરીમાં જનરલ સભાનું આયોજન કરવામાં આવ્યું હતું. આ સભામાં રાજા ઇન્ડસ્ટ્રીઝના દિલિપભાઇ સમારંભના પ્રમુખ તરીકે અને સમાજના અધ્યક્ષ ભીખાભાઈ, ટૃસ્ટના પ્રમુખ બાબુલાલ, સમાજના પ્રમુખ ચિમનભાઇ, મંત્રી બલદેવભાઇ તેમજ સમાજના અન્ય હોદ્દેદારો ઉપસ્થિત આ સમાજની બેઠકમાં ઉપસ્થિત રહ્યા હતા.
શ્રી ઉત્તર દશક્રોઇ કડવા પાટીદાર સમાજની જનરલ સભામાં આગામી ત્રણ વર્ષ માટેના કારોબારી સભ્યો અને હોદ્દેદારોની સર્વાનુમતે વરણી કરવામાં આવી હતી. જેમાં સમારંભના પ્રમુખ દિલિપભાઇ દ્વારા માનનીય પ્રવચન આપવામાં આવ્યું હતું. જેમાં સમાજના દાતાશ્રીઓ દ્વારા કોવિડ સેન્ટર આપણી કુડાસણ સંસ્થામાં ઉભુ કરવામાં આવેલ તે દાતાશ્રીઓનો આભાર માનવામાં આવ્યો હતો અને સંસ્થામાં સોલાર પાવર વીજળી બચાવવા માટેનો ખર્ચ દિલિપભાઇ, બાબુલાલ અને ચિમનભાઈ દ્વારા રૂ.30 લાખ જેટલો માતબર ખર્ચ આપવામા આવતાં અધ્યક્ષ ભીખાભાઇ દ્વારા આભાર માનવામાં આવ્યો હતો. મંત્રી બળદેવભાઇ દ્વારા સમાજનો અહેવાલ અને સભાનું સંચાલન ઉમેશભાઇ દ્વારા તેમજ કાર્યક્રમનું આભાર દર્શન અશોકભાઇ દ્વારા કરવામાં આવ્યું હતું. અને છત્રાલ ગામ દ્વારા ભોજનની વ્યવસ્થાનો આભાર માની બેઠક પુર્ણ જાહેર કરવામાં આવી હતી. અને હાજર હોદેદ્દારો દ્વારા આ સભામાં હાજર રહેનાર સૌનો આભાર માનવામાં આવ્યો હતો.