75 રૂપિયાની ટિકિટથી બ્રહ્માસ્ત્રનો ફાયદો, ફિલ્મ આજે 250 કરોડના ક્લબમાં પ્રવેશ કરશે
શુક્રવારે નેશનલ સિનેમા દિવસ નિમિત્તે સિનેમાઘરોમાં ટિકિટ 75 રૂપિયા રાખવામાં આવી હતી, રણબીર અને આલિયાની ફિલ્મ બ્રહ્માસ્ત્રને ઘણો ફાયદો થયો હતો.શુક્રવારે ફિલ્મ માટે જોરદાર બુકિંગ થયું હતું અને ત્રીજા શુક્રવારે ફિલ્મ 8 કરોડથી 10 કરોડ રૂપિયાની કમાણી કરવામાં સફળ રહી હતી.
ભારતમાં બ્રહ્માસ્ત્રનું કલેક્શન હવે 247 કરોડ રૂપિયા પર પહોંચી ગયું છે અને આજે આ ફિલ્મ રૂપિયા 250 કરોડના ક્લબમાં પ્રવેશ કરશે. તે ત્રીજા શુક્રવારે બીજી સૌથી વધુ કમાણી કરનાર ફિલ્મ બની ગઈ છે. બાહુબલી ધ કન્ક્લુઝન.. આ બાબતમાં આ ફિલ્મ નંબર વન છે.શનિવાર અને રવિવારે ફિલ્મોના કલેક્શનમાં વધારો થવાની શક્યતા છે. ફિલ્મ શનિવાર માટે એડવાન્સ બુકિંગમાં લગભગ રૂ. 23.6 મિલિયન સુધી પહોંચી ગઈ છે.
