ગાંધીનગર : સિદ્ધાર્થે લૉ કોલેજમાં નવરાત્રી મહોત્સવ ગરબા કૉમ્પીટિશન કાર્યક્રમ યોજાયો

ગાંધીનગર :

ગાંધીનગરના સેકટર – ૧૬ ખાતે આવેલી સિદ્ધાર્થ લો કોલેજ દ્વારા નવરાત્રી મહોત્સવ ગરબા કોમ્પિટિશનનું આયોજન કરવામાં આવ્યું હતું.

કોરોના મહામારીના કારણે સતત બે વર્ષથી નવરાત્રીની ઉજવણી પર સરકાર દ્વારા પ્રતિબંધ લગાવાયો હતો. ત્યારે હવે ગાંધીનગર ખાતે શૈક્ષણિક સંકુલોમાં નવરાત્રી ના આયોજનો થઈ રહ્યા છે. નવરાત્રીના પહેલા નોરતાની સુપ્રભાતે ગાંધીનગરની ડૉ. બી. આર. આંબેડકર એજ્યુકેશન સોસાયટી સંચાલિત સિદ્ધાર્થ લો કોલેજનાં પ્રિન્સિપાલ શ્રી દિલીપભાઈ મેવાડા દ્વારા નવરાત્રી મહોત્સવ કાર્યક્રમનું કોલેજ કેમ્પસમાં આયોજન કરવામાં આવ્યું હતું. કોલેજના ખેલૈયાઓ વચ્ચે કોમ્પિટિશન યોજી ઇનામ વિતરણ પણ કરવામાં આવ્યું હતું. નવરાત્રી મહોત્સવમાં ભૂતપૂર્વ વિદ્યાર્થીઓએ પણ ભાગ લીધો હતો. તે સાથે વિદ્યાર્થીઓમાં ભારે ઉત્સાહ સાથે ભક્તિમય વાતાવરણ જોવા મળ્યું હતું. આ કાર્યક્રમને નિહાળવા પણ વિદ્યાર્થીઓ મોટી સંખ્યામાં ઉપસ્થિત રહીને કાર્યક્રમને સફળ બનાવ્યો હતો.