IRFC ના શેરમાં 9 % નો વધારો જોવા મળ્યો

છેલ્લા એક વર્ષમાં શેરનો ભાવ 471 ટકા મજબૂત થયો છે. માર્ચ 2024ના ક્વાર્ટરમાં સરકાર પાસે IRFCમાં 86.36 ટકા હિસ્સો હતો અને જાહેર શેરધારકોનો હિસ્સો 13.64 ટકા હતો. ટેકનિકલ એનાલિસ્ટ માનસ જયસ્વાલનું માનવું છે કે જો કોઈ IRFCમાં રોકાણ કરે છે તો તેણે તેમાં રહેવું જોઈએ. સવારે BSE પર IRFC શેર રૂ. 192.70ના ઉછાળા સાથે ખુલ્યો હતો.

જાહેર ક્ષેત્રની કંપની IRFC (Indian Railway Finance Corporation)ના શેરમાં 8 જુલાઈના રોજ 9 ટકા સુધીનો વધારો જોવા મળ્યો હતો. ભારે ખરીદીને કારણે ભાવ રેકોર્ડ ઊંચાઈએ પહોંચી ગયો હતો. આ સતત 5મું ટ્રેડિંગ સેશન છે જ્યારે શેર વધી રહ્યો છે. સવારે BSE પર IRFC શેર રૂ. 192.70 ના વધારા સાથે ખુલ્યો હતો. તે પછી તે અગાઉના બંધ ભાવથી 9 ટકા વધીને રૂ. 206ની ઊંચી સપાટીએ પહોંચી ગયો હતો. આ સ્ટોક માટે રેકોર્ડ હાઈ છે.

ટેકનિકલ એનાલિસ્ટ માનસ જયસ્વાલનું માનવું છે કે જો કોઈ IRFCમાં રોકાણ કરેલું છે તમણે હાલ વેંચવાની ઉતાવળ ન કરવી જોઇએ, જયસ્વાલે 24 જૂને CNBC આવાઝ પર દર્શકોના પ્રશ્નનો જવાબ આપતાં, ₹159નો સ્ટોપ લોસ જાળવી રાખવાની સલાહ આપી હતી. તે સમયે જયસ્વાલે કહ્યું હતું કે પહેલો ટાર્ગેટ ₹200 હોવો જોઈએ. જોકે આ ટાર્ગેટ પાર થઇ ગયો છે.