ડબલ એન્જિન સરકારમાં ગાયનું બીફ એક્સપોર્ટ કરવામાં ભારતનો અવ્વલ નંબર : અમિત ચાવડા
વિધાનસભામાં શ્રી અમિતભાઈ ચાવડાએ પ્રશ્નોત્તરી કાળ દરમિયાન ભાગે લેતા જણાવ્યું કે, ગાય ભારતીય સંસ્કૃતિ,સંસ્કાર અને આસ્થાનું પ્રતિક,ગાય માતાને રાજ્યમાતાનો દરજ્જો આપવાની માંગ કરી હતી. ભાજપ માત્ર મતોના રાજકારણ માટે ગાયના નામનો ઉપયોગ કરે છે, પરંતુ વાસ્તવિકતામાં ગૌમાતાની હાલત દયનીય છે. જો મહારાષ્ટ્રની સરકાર ગાયને ‘રાજ્યમાતા’ જાહેર કરી શકતી હોય, તો ગુજરાત સરકાર કેમ પાછી પાની કરી રહી છે?
રાજ્યમાં કડક કાયદાની વાતો વચ્ચે પણ અનેક શહેરો અને અંતરિયાળ વિસ્તારોમાં ગાયોની કતલ અને ગૌ-માંસ પકડાય રહ્યું છે.જે ભાજપ સરકારની નિષ્ફળતા છતી કરે છે. ગૌ માંસ ભરેલા વાહન પર જો ભાજપના સ્ટીકર,ઝંડા લગાવેલા હોય તો પોલીસ કોઈપણ પ્રકારની કાર્યવાહી કરતી નથી. ભાજપ સરકાર એક તરફ ગાયને માતા કહી મત માંગવામાં આવે છે, તો બીજી તરફ કતલખાનાઓ સુધી ગૌવંશને પહોંચાડતું નેટવર્ક પોલીસ અને સરકારની રહેમનજર હેઠળ ધમધમી રહ્યું છે. રોજબરોજ ગૌ-માંસના જથ્થા પકડાય છે, ત્યારે એ સાબિત થાય છે કે સરકારી દાવાઓ માત્ર પોકળ છે અને ગાયોના રક્ષણ માટે કોઈ નક્કર કાયદો અમલવારીમાં આવતો નથી.
