“હેપ્પી સ્પેરો વિક”થી તમારાં આંગણે ચકલીનો ચીં ચીં કલરવ ફરી ગુંજશે

વિશ્વ ચકલી દિન નિમિત્તે આયોજિત હેપ્પી સ્પેરો વીક દરમ્યાન આશરે બાર  હજાર જેટલાં  “હેપ્પી ચકલી ઘર”નું વિના મૂલ્યે વિતરણ કરાશે : ઉનાળા માટે શહેરમાં વિવિધ સ્થળે જળ સિંચનની વ્યવસ્થા સાથે પક્ષી પરબોનું સ્થાપન કરાશે

ગાંધીનગર, તા.16

ગાંધીનગરમાં સતત અગિયારમા વર્ષે હેપ્પી યૂથ ક્લબ દ્વારા વિશ્વ ચકલી દિવસ નિમિત્તે “હેપ્પી સ્પેરો વીક-૨૦૨૬”નું  આયોજન કરવામાં આવ્યું છે. હેપ્પી સ્પેરો વીકનો પ્રારંભ તા. ૧૯મી માર્ચથી થશે જે તા.૩૧મી માર્ચ સુધી ઉજવાશે જેમાં શહેરમાં આશરે બાર હજાર જેટલાં “હેપ્પી ચકલી ઘર”નું વિના મૂલ્યે વિતરણ કરવામાં આવશે.

આ ઉપરાંત શહેરમાં વિવિધ શૈક્ષણિક સંસ્થાઓના સંકુલમાં તથા જાહેર સ્થળો ખાતે સમગ્ર ઉનાળામાં નિયમિત જળ સિંચન થાય તેવી વ્યવસ્થા સાથે માટીના કુંડાની પક્ષી પરબોનું સ્થાપન કરાશે. શહેરની કેટલીક પ્રાથમિક શાળાના બાળકોને વિના મૂલ્યે નકામા ખોખા કે પુંઠાના બોક્સમાંથી ચકલી ઘર બનાવવાવનું શિખવાડવામાં આવશે જેનો ઉદ્દેશ બાળકોને વૃક્ષો અને ચકલી જેવા પક્ષીઓના યોગદાન અંગે સમજ આપી બાળકોમાં પર્યાવરણના જતનની ભાવના કેળવાય તે માટે પ્રયાસ કરવામાં આવશે.
**

બોક્સ

હેપ્પી ચકલી ઘરનું વિતરણ ક્યાં અને કયારે?
——–
હેપ્પી સ્પેરો વીક-૨૦૩૬માં દર વર્ષની જેમ દરરોજ સવારે ૮:૩૦ થી ૧૦ વાગ્યા સુધી હેપ્પી ચકલી ઘરનું વિતરણ કરાશે.

તા. ૧૯મી માર્ચ, ગુરુવાર પંચદેવ મંદિર, સેક્ટર-રર :

તા. ૨૦મી માર્ચ, શુક્રવાર : પાટનગર યોજના ભવન, સેક્ટર-૧૬

તા. ૨૧મી માર્ચ, શનિવાર : શનિદેવ મંદિર, સેકટર-૪

તા. રરમી માર્ચ, રવિવાર : રાજવી ફૂડ કોર્નર, પ્રતિક મોલ, કુડાસણ

તા. ૨૩મી માર્ચ, સોમવાર : ગુપ્તા કોમ્લેક્સ પાસે, સેક્ટર-૧૪

તા. ૨૪મી માર્ચ, મંગળવાર : સામવેદ ડ્રિમ્સ પાસે, પામ રોડ, સરગાસણ

તા. ૨૫મી માર્ચ, બુધવાર : પ્રમુખ ફર્નિચર પાસે, સરદાર ચોક, કુડાસણ

તા. ૨૬મી માર્ચ, ગુરુવાર : શ્રી જલારામ ધામ, સેક્ટર-૨૯

તા. ૨૭મી માર્ચ, શુક્રવાર : રિલાયન્સ સ્માર્ટ સામે, વાવોલ

તા. ર૮મી માર્ચ, શનિવાર : ખ-૬ સર્કલ બસ સ્ટેન્ડ, સે-૨૪/૨૫

તા. ૨૯મી માર્ચ, રવિવાર : સ્વામિનારાયણ મંદિર પાસે, સેક્ટર – ૨

તા. ૩૦મી માર્ચ, સોમવાર : પોઈન્ટ બસ સ્ટેન્ડ, સચિવાલય

તા. ૩૧મી માર્ચ, મંગળવાર : હેવમોર પાસે, ઘ-૨ સર્કલ કોર્નર