ગુજરાત પોલીસનું ગૌરવ: સ્વતંત્રતા દિવસ 2026 પર 19 અધિકારીઓ અને કર્મચારીઓને મળશે પ્રેસિડેન્ટ્સ મેડલ
સ્વતંત્રતા દિવસ 2026 (Independence Day 2026) ના પાવન અવસર પર કેન્દ્ર સરકાર દ્વારા વિશિષ્ટ કામગીરી અને લાંબા સમયની નિષ્ઠાવાન સેવાઓ બદલ ‘પ્રેસિડેન્ટ્સ મેડલ ફોર ડિસ્ટિંગ્વિશ્ડ સર્વિસ’ (PSM) તેમજ સેવા મેડલ્સની સત્તાવાર જાહેરાત કરવામાં આવી છે. આ રાષ્ટ્રીય સન્માનની યાદીમાં ગુજરાત પોલીસ બેડાનું ગૌરવ વધારતા કુલ 19 અધિકારીઓ અને કર્મચારીઓની પસંદગી કરવામાં આવી છે. આ યાદીમાં એડિશનલ ડાયરેક્ટર જનરલ (Additional Director General) અમિતકુમાર કિશોર વિશ્વકર્મા અને ઈન્સ્પેક્ટર જનરલ (Inspector General) સૌરભ દૌલત તોલુમ્બિયા જેવા ઉચ્ચ અધિકારીઓથી લઈને ડેપ્યુટી સુપરિન્ટેન્ડેન્ટ, ઈન્સ્પેક્ટર, સબ ઈન્સ્પેક્ટર, એએસઆઈ અને હેડ કોન્સ્ટેબલ કક્ષાના કર્મચારીઓનો સમાવેશ થાય છે.
પોલીસ ક્ષેત્રે વિશિષ્ટ રેકોર્ડ, ઉત્કૃષ્ટ શિસ્ત અને અપ્રતિમ કર્તવ્યનિષ્ઠા દર્શાવવા બદલ દેશભરમાંથી પસંદ કરાયેલા જવાનોમાં ગુજરાતના આ જવાનોએ સ્થાન મેળવ્યું છે. ઉલ્લેખનીય છે કે કેન્દ્ર સરકાર દ્વારા વીરતા મેડલ (Gallantry Medal) જાનના જોખમે સાહસિક કાર્યો માટે, જ્યારે પ્રેસિડેન્ટ સેવા મેડલ (PSM) અને મેઘાવી સેવા મેડલ (MSM) નિષ્ઠાવાન અને મૂલ્યવાન સેવાઓ બદલ એનાયત કરવામાં આવે છે. ગુજરાત પોલીસના આ 19 જવાનોની પસંદગીથી સમગ્ર રાજ્યના પોલીસ સંગઠન અને નાગરિકોમાં ગૌરવની લાગણી વ્યાપી ગઈ છે.
