રાજ્યમાં ૧૧ ઓક્ટોબરના રોજ યોજાનાર સ્થાનિક સ્વરાજ્યની ચૂંટણીમાં શ્રમયોગીઓને મતદાન માટે રજા આપવાની રહેશે

રાજ્યના શ્રમ નિયામકશ્રી,ગાંધીનગરની યાદીમાં જણાવાયું છે કે,રાજ્યની ગાંધીનગર મહાનગરપાલિકા, ઓખા અને થરા નગરપાલિકાઓની સામાન્ય ચૂંટણી તેમજ ખેરાલુ નગરપાલિકાની ૧ બેઠક, છોટાઉદેપુર નગરપાલિકાની ૧ બેઠક, બાયડ નગરપાલિકાની ૧ બેઠક, દેવભૂમિ દ્વારકા જિલ્લા પંચાયતની ૧ બેઠક, પડધરી તાલુકા પંચાયતની ૧ બેઠક, સતલાસણા તાલુકા પંચાયતની ૧ બેઠક, હારીજ તાલુકા પંચાયતની ૧ બેઠક મળી પ્રસંગોપાત ખાલી પડેલ કુલ- ૭ બેઠકોની પેટા ચૂંટણી તા.૧૧ ઓક્ટોબર ૨૦૨૬ના રવિવારના રોજ સવારના ૭-૦૦ વાગ્યાથી સાંજના ૦૬-૦૦ વાગ્યા સુધી યોજનાર છે.

લોકશાહીના આ પર્વ દરમિયાન
જે તે વિસ્તારના ગુજરાત દુકાન અને સંસ્થા (રોજગાર નિયમન અને સેવાની શરતો) અધિનિયમ, ૨૦૧૯ હેઠળ નોંધાયેલ સંસ્થાઓના શ્રમયોગીઓ/કર્મચારીઓ પોતાના મતાધિકારનો ઉપયોગ કરી શકે તે માટે આ દિવસે ચૂંટણી હેઠળના સમગ્ર વિસ્તારમાં વૈકલ્પિક વ્યવસ્થા તરીકે આવા કર્મચારી/ કામદારોને મતદાન માટે વારાફરતી ત્રણ કલાકની ખાસ રજા આપવામાં આવે અથવા જે દિવસે અઠવાડિક રજા હોય તે દિવસે સંસ્થાઓ ચાલુ રાખીને અવેજીમાં/બદલીમાં મતદાનના દિવસે રજા આપવામાં આવે તેવી વ્યવસ્થા કરવાની રહેશે તેમ, યાદીમાં વધુમાં જણાવાયું છે.