સરગાસણમાં શ્રીકૃષ્ણની 8 ફૂટ લાંબી મનમોહક રંગોળી આકર્ષણનું કેન્દ્ર બની!

શ્રીકૃષ્ણની અદ્ભુત રંગોળી નિહાળવા ગાંધીનગરવાસીઓ ઉમટ્યા

ગાંધીનગરના સરગાસણ વિસ્તારમાં આવેલા આદિત્ય-18 બંગલોઝ નંબર 3 ખાતે શ્રીમતી મીતા તેજસ ભટ્ટ દ્વારા ઘરના આંગણામાં આશરે 8 ફૂટ લાંબી શ્રીકૃષ્ણની સુંદર અને આકર્ષક રંગોળી તૈયાર કરવામાં આવી છે. રંગો અને કલાના અદભુત સમન્વયથી તૈયાર કરાયેલી આ મનમોહક રંગોળી સૌનું ધ્યાન આકર્ષી રહી છે.

શ્રીકૃષ્ણની આ અનોખી રંગોળી નિહાળવા માટે ગાંધીનગરવાસીઓ મોટી સંખ્યામાં ઉમટી પડ્યા હતા. રંગોળીની સુંદરતા અને કલાત્મકતાને નિહાળી સૌએ મીતા ભટ્ટની કલાને બિરદાવી હતી.

આ પ્રસંગે મીતા તેજસ ભટ્ટ દ્વારા સર્વેને ‘જય શ્રીકૃષ્ણ’ સાથે નવા વર્ષની હાર્દિક શુભકામનાઓ પાઠવવામાં આવી હતી.