સોશિયલ મીડિયા પર ધોનીનો બૌદ્ધ ભિક્ષૂક જેવો લૂક વાઈરલ, IPLની જાહેરાત માટે તેણે લૂક બદલ્યો; વીડિયોમાં તેણે રોહિતને લાલચી કહ્યો
ભારતીય ટીમના પૂર્વ કેપ્ટન એમ.એસ.ધોનીનો નવો લૂક સામે આવ્યો છે. ધોનીએ IPLની 14મી સીઝન પહેલા પોતાના લૂકને એકદમ બદલી નાખ્યો છે. સોશિયલ મીડિયામાં વાઈરલ થયેલા એક ફોટામાં ધોનીએ મુંડન કરાવ્યું છે અને તેણે બૌદ્ધ ભિક્ષુક જેવો પોશાક પહેરીને જંગલમાં તપસ્યા કરતો દર્શાવાયો છે. આ લૂક IPLની એક જાહેરાત માટે તેણે અપનાવ્યો છે. આ જાહેરાતનો વીડિયો પણ વાઈરલ થયો હતો, જેમાં તે બાળકોને IPL અને રોહિત શર્માની વાર્તા સંભળાવી રહ્યો છે.
PLની નવી જાહેરાત માટે ધોનીએ નવો લૂક અપનાવ્યો
ધોની પોતાના લૂકને બદલવામાં પારંગત છે, તેણે ગત IPLની સીઝનના શરૂઆતમાં પણ અલગ હેર-સ્ટાઈલ કરાવી હતી. તેવામાં અત્યારે સોશિયલ મીડિયા પર ધોનીનો મુંડન કરાવેલો ફોટો વાઈરલ થયો છે. આ ફોટામાં તે બૌદ્ધ ભિક્ષુકના કપડા પહેરીને જંગલમાં તપસ્યા કરતો હોય તેવો જણાઈ રહ્યો છે. તેણે આ નવો અંદાજ IPLની નવી જાહેરાત કરવા માટે અપનાવ્યો છે. ધોનીએ આંતરરાષ્ટ્રીય ક્રિકેટ જગતમાંથી સન્યાસ લઈ લીધો હતો, તેવામાં આ પ્રકારનો ફોટો સામે આવતા મીડિયા અને દેશના સામાન્ય લોકોમાં પણ તે ચર્ચાનો વિષય બની જવા પામ્યો છે.
ધોનીનો જાહેરાતનો વીડિયો ટ્વિટર પર વાઈરલ
આજકાલ લોકો સોશિયલ મીડિયામાં કોઈપણ નાની અમથી ઘટના બને તેમાં પણ અલગ પ્રકારના MEME બનાવીને મજા માણતા હોય છે. ત્યારે ભારતના લોકપ્રિય ક્રિકેટર ધોનીનો અલગ અંદાજ સામે આવ્યો તેવામાં પણ લોકોએ આની ભરપૂર મજા માણી હતી. ટ્વિટર પર ધોનીના બૌદ્ધ લૂકની ચર્ચાએ જોર પકડ્યું હતું. મહત્વની વાત છે કે, સ્ટારસ્પોર્ટ્સે પોતાના ઓફિશિયલ ટ્વિટર એકાઉન્ટ પર એક જાહેરાતથી સંલગ્ન 9 સેકન્ડનો પ્રોમો પ્રકાશિત કર્યો હતો. જેમાં ધોની કહે છે કે, શું છે આ અવતાર પાછળનો મંત્ર, બહું જલ્દી ખબર પડી જશે.
