ગાંધીનગર : રેડીયન્ટ સ્કૂલનો વિદ્યાર્થી PSE પરીક્ષામાં ઝળક્યો
ગાંધીનગર :
ગુજરાત રાજ્ય પરીક્ષા બોર્ડ, ગાંધીનગર દ્વારા ચાલુ શૈક્ષણિક વર્ષ : 2021 – 22 માં લેવાયેલ પ્રાથમિક શિષ્યવૃત્તિ પરીક્ષા (PSE) માં ગાંધીનગરના સરગાસણ સ્થિત રેડીયન્ટ સ્કૂલના કેટલાક વિધાર્થીઓ ઉપસ્થિત રહ્યા હતા. તેમાંથી ધોરણ – 6 માં અભ્યાસ કરતા વિદ્યાર્થી પટેલ જેનીલ યોગેશકુમારે કુલ 163 ગુણ મેળવી જ્વલંત સફળતા સાથે પરીક્ષામાં ઉત્તીર્ણ થઇ મેરીટમાં સ્થાન પ્રાપ્ત કર્યું છે. બોર્ડ દ્વારા તૈયાર કરાયેલ મેરીટ યાદીમાં કુલ 1000 વિધાર્થીનોની યાદીમાં જેનીલે ચોથો ક્રમ પ્રાપ્ત કરીને શાળાનુ નામ રોસન કરેલ છે. શાળા મેનેજમેન્ટે જેનીલને તેની સફળતા બદલ ખૂબ ખૂબ અભિનંદન પાઠવ્યા તેમજ જેટલું ઇનામ જેનીલને બોર્ડ તરફથી મળશે તેટલું જ ઇનામ શાળા તરફથી પણ તેને આપશે તેવી સ્કુલ મેનેજમેન્ટ દ્વારા જાહેરાત કરી.
