શંકરસિંહ પણ ગમે ત્યારે કોંગ્રેસમાં પરત ફરી શકે છે

પુત્ર મહેન્દ્રસિંહ બાદ પિતા શંકરસિંહ વાઘેલા પણ કોંગ્રેસમાં પરત ફરી શકે છે. ગુજરાત કોંગ્રેસના પ્રભારી રઘુ શર્મા શંકરસિંહ વાઘેલાને મળ્યા હતા. પ્રભારી રઘુ શર્માએ બાપુના નિવાસસ્થાન વસંત વિહાર ખાતે બેઠક યોજી હતી. જગદીશ ઠાકોર બાપુ અને કોંગ્રેસ નેતૃત્વ વચ્ચે સેતુ તરીકે કામ કરી રહ્યા છે. જો કે હજુ સુધી કોઈ ચોક્કસ નિર્ણય લેવાયો નથી. કોંગ્રેસમાં જોડાવા ઈચ્છુક બાપુ નેતૃત્વની સંમતિ મળતાં જ કોંગ્રેસમાં જોડાઈ જશે.

ગુજરાતમાં ભાજપ ઉપરાંત કોંગ્રેસ અને આમ આદમી પાર્ટી જોરશોરથી પ્રચાર કરી રહી છે. આ બધાની વચ્ચે સંભવિત ઉમેદવારો અને દાવેદારો પણ મેદાનમાં આવી ગયા છે. હવે પૂર્વ મુખ્યમંત્રી અને ગુજરાતના શક્તિશાળી નેતા શંકરસિંહ વાઘેલાના પુત્ર અને પૂર્વ ધારાસભ્ય મહેન્દ્રસિંહ વાઘેલા ફરી એકવાર કોંગ્રેસમાં જોડાયા છે. મહેન્દ્રસિંહ વાઘેલા કોંગ્રેસ તરફથી વિધાનસભાની ચૂંટણી લડશે.

આજે બપોરે 12 વાગ્યે કોંગ્રેસના પ્રદેશ પ્રમુખ જગદીશ ઠાકોરે પત્રકાર પરિષદમાં માહિતી આપી હતી કે કોંગ્રેસના પૂર્વ ધારાસભ્યો ફરી કોંગ્રેસમાં જોડાયા છે. જગદીશ ઠાકોરે મહેન્દ્રસિંહ વાઘેલાનું કોંગ્રેસમાં વિધિવત રીતે કોંગ્રેસના વસ્ત્રો પહેરીને સ્વાગત કર્યું હતું.