ગાંધીનગરમાં ભાટ મધર ડેરી સામે અજાણ્યા વાહનની ટક્કરથી રાહદારીનું મોત થયું હતું.

ગાંધીનગરમાં ભાટ મધર ડેરી સામેના રોડ પર મોડી રાત્રે કોઈ અજાણ્યા વાહનચાલકે પોતાનું વાહન પૂરપાટ ઝડપે હંકારીને રાહદારીને ટક્કર મારી ફરાર થઈ ગયો હતો. ગંભીર રીતે ઘવાયેલા રાહદારીનું અમદાવાદ સિવિલ હોસ્પિટલમાં સારવાર દરમિયાન મોત થતાં અડાલજ પોલીસે ગુનો નોંધી વધુ તપાસ હાથ ધરી છે.

ગાંધીનગરના ભાટ ગામમાં રહેતા 25 વર્ષીય વિશાલ પ્રહલાદજી ઠાકોરનું ગત રોજ મોત થયું હતું. 2 માર્ચની રાત્રે લગભગ અગિયાર વાગ્યાના સુમારે ભાટ ઘરેથી નીકળવા કોટેશ્વર ચોકડી થઈ મધર ડેરી તરફ જઈ રહ્યા હતા. સાડા ​​અગિયાર વાગ્યાની આસપાસ મધર ડેરી પાસે ફૂટપાથ પાસે રોડ પર લોકોનું ટોળું એકત્ર થઈ ગયું હતું.
આ જોઈને જ્યારે વિશાલ ત્યાં ગયો ત્યારે જાણવા મળ્યું કે કોઈ અજાણ્યા વાહનચાલકે તેની કાર પૂરપાટ ઝડપે ચલાવી હતી અને કોઈ રાહદારીને ટક્કર મારીને ભાગી ગયો હતો. આ દરમિયાન કોઈએ 108 એમ્બ્યુલન્સને ફોન કર્યો અને ઘટનાસ્થળે પહોંચી. ત્યારે અર્ધબેભાન અવસ્થામાં રાહદારીએ કહ્યું કે તેનું નામ રમેશ રાવ છે. પરંતુ તે ઘરનું સરનામું જણાવી શક્યો ન હતો.બાદમાં ઈજાગ્રસ્ત વટેમાર્ગુને અર્થ 108 એમ્બ્યુલન્સમાં સારવાર માટે ગાંધીનગર સિવિલ હોસ્પિટલમાં લઈ જવાયો હતો. જ્યાં ફરજ પરના તબીબે રમેશ રાવ નામના વટેમાર્ગુને પ્રાથમિક સારવાર આપી વધુ સારવાર માટે અમદાવાદ સિવિલ હોસ્પિટલમાં મોકલી આપ્યો હતો. જ્યાં તેનું સારવાર દરમિયાન મોત નીપજ્યું હતું. આ ઘટના બાદ અડાલજ પોલીસે ગુનો નોંધી મૃતકના વાલીવારસની શોધખોળ હાથ ધરી છે.