નિસર્ગ સાયન્સ સેન્ટર દ્વારા વેકેશન વિજ્ઞાન સંઘ કાર્યક્રમ અંતર્ગત સાયન્સ ફિલ્મ શો કાર્યક્રમ યોજાશે

ગાંધીનગર :

ગુજરાત કાઉન્સીલ ઓન સાયન્સ એન્ડ ટેક્નોલૉજી પ્રેરિત નિસર્ગ સાયન્સ સેન્ટર દ્વારા વિદ્યાર્થીઓ માટે વિવિધ વિજ્ઞાન લક્ષી કાર્યક્રમનું આયોજન કરવામાં આવે છે. વેકેશન દરમિયાન વિદ્યાર્થીઓ પોતાની રજાઓ ટીવી વિડીયો ગેમ અને બિન જરૂરી પ્રવૃત્તિમાં વેડફી ન દે તે હેતુથી સાયન્સ સેન્ટર દ્વારા વિવિધ વૈજ્ઞાનિક પ્રવૃત્તિઓનું આયોજન કરવામાં આવે છે.

            આ વેકેશન વિજ્ઞાન લક્ષી કાર્યક્રમ અંતર્ગત તારીખ ૨૩/૦૫/૨૦૨૩ થી ૨૫/૦૫/૨૦૨૩ સુધી રાત્રે ૮:૦૦ થી ૧૦:૩૦ વાગ્યા ના સમયમાં નિસર્ગ કોમ્યુનિટી સાયન્સ સેન્ટર બ્લોક નંબર ૬૧/૧,ઘ-ટાઈપ,સેક્ટર-૨૩ ખાતે વિજ્ઞાનની રોમાંચક અને સાયન્સ થીમ બેઝ જેવી કે જુરાસીક વર્લ્ડ ભાગ-૩,ધ ટુમોરો વાર, જર્ની ટુ ધ મિસ્ટરી આયલેન્ડ જેવી ફિલ્મ દર્શાવવામાં આવશે. આ ફિલ્મો મોટા સ્ક્રીન પર દેખાડવામાં આવશે આ ફિલ્મોનિહાળવા માટે વિદ્યાર્થીઓ અને વાલીઓને હાર્દિક નિમંત્રણ છે. આ ફિલ્મો દેખાડવાના કોઈ ચાર્જ લેવામાં આવશે નહીં.