ભરૂચમાં આરોપી દ્વારા પોલીસકર્મી પર જીવલેણ હુમલો
ભરૂચ A ડિવિઝનમાં PSO કર્મી ઉપર જીવલેણ હુમલો થતાં પોલીસ માં ભારે સળવળાટ મચી ગયો છે. અસામાજિક પ્રવૃત્તિ કરનારા શખ્સને PCR ટીમે પોલીસ સ્ટેશનને સોંપાયેલા પોલીસ કર્મી ભીમસિંગ રામસિંગભાઈ ઉપર હુમલો કરતા તેમને ભરૂચ સિવિલ હોસ્પિટલમાં સારવાર અર્થે દાખલ કરાયા હતા.
જિલ્લા પોલીસ વડા મયુર ચાવડા એ મીડિયા સાથેની વાતચીતમાં જણાવ્યું હતું કે હુમલો કરનાર આરોપીનું નામ વિજય હોવાનું અને તે માનસિક અસ્વસ્થ હોવાનું પ્રાથમિક અનુમાન લગાવાઈ રહ્યું છે. ભીમસિંગ રામસિંગભાઈ તેની નામઠામ સહિતની વિગતો પૂછી રહ્યા હતા. એ વેળા અચાનક પોલીસકર્મી ભીમસિંગભાઈને માથામાં પાઈપનો ઘા મારીને હુમલો કરી દીધો હતો.હુમલો કરનાર આરોપી વિજય નામના યુવાન સામે જીવલેણ હુમલામાં હત્યાના પ્રયાસમાં 307નો ગુનો દાખલ કરી વધુ તપાસ હાથ ધરવામાં આવી છે.
