મોતની અફવા બદલ મોડલ પૂનમ પાંડેએ માંગી માફી

2 ફેબ્રુઆરીએ મોડલ અને એક્ટ્રેસ પૂનમ પાંડેએ પોતાના મોતની અફવા ઉડાવી હતી. જે બદલ તેણે 3 ફેબ્રુઆરીએ માફી માગી હતી. ઈન્સ્ટાગ્રામ પર એક પોસ્ટ મૂકીને પૂનમે જાણકારી આપી હતી કે, સર્વિકલ કેન્સરના લીધે તેનું મૃત્યુ થયું છે. સોશિયલ મીડિયા પર એક લાઈવ સેશન દરમિયાન પૂનમ પાંડેએ સ્પષ્ટતા કરતાં જણાવ્યું કે, તેનો ઈરાદો સર્વિકલ કેન્સર અને HPV વેક્સીન અંગે જાગૃતિ ફેલાવાનો હતો. પૂનમે માફી માગતા કહ્યું કે, તેના સ્ટંટથી મિત્રો અને સ્નેહીજનોની લાગણી દુભાઈ હોય તો તે દિલગીર છે. પૂનમે ભારપૂર્વક કહ્યું કે, આ કેમ્પેઈન થકી તેને કોઈ આર્થિક લાભ નથી થયો.