લીંબચ માતાજી મંદિર દહેગામ ખાતે વાળંદ સમાજના વિદ્યાર્થીઓને ફ્રીમાં ચોપડા વિતરણ કરવામાં આવ્યા
શ્રી ચોરાસી જુથ નાયી સમાજ લીંબચ માતા મંદિર ટ્રસ્ટ દહેગામ દ્વારા ચાલુ વર્ષે પણ શ્રી ટ્રસ્ટ દ્વારા સમાજના અભ્યાસ કરતા તમામ વિદ્યાર્થીઓ/ વિદ્યાર્થીનીઓને વિના મુલ્યે ચોપડા આપવાનું બે દિવસીય આયોજન કરવામાં આવ્યું હતું. આ ફ્રી ચોપડા વિતરણ કાર્યક્રમનું આયોજન લીંબચ માતા મંદિર ટ્રસ્ટ દહેગામ દ્વારા દર વર્ષે કરવામાં આવે છે, જેમાં સમાજનો એક પણ વિધ્યાર્થી આ લાભથી વંચિત ન રહે તે માટે આગોતરું આયોજન કરવામાં આવતું હોય છે. આ આયોજન ૧ અને ૨ જૂન ૨૦૨૪ એમ બે દિવસ રાખવામા આવ્યું હતું. સમાજના લોકોના સહયોગથી સમાજના છાત્રો સુધી આ વિશેષ લાભ પહોંચાડવામાં આવ્યો હતો. સમાજના પ્રમુખ અને ટ્રસ્ટી મંડળે કરેલ આયોજન બદલ સમાજના લોકોએ તેમનો આભાર માન્યો હતો.
