ગાંધીનગરનાં BSF હેડક્વાર્ટર ખાતે નિ:શુલ્ક 30 દિવસીય નિવાસી તાલીમ વર્ગનું આયોજન
ગાંધીનગર :
ગાંધીનગર સ્થિત રોજગાર અને તાલીમ નિયામકશ્રીની કચેરી સંચાલિત જિલ્લા રોજગાર વિનિમય કચેરી દ્વારા લેકાવાડાનાં BSF હેડક્વાર્ટર ખાતે 30 દિવસીય નિવાસી તાલીમ વર્ગનું આયોજન કરવામાં આવ્યું છે. આ તાલીમ વર્ગમાં રસ ધરાવતા 17 ½ થી 21 વર્ષની વયનાં ધો. 10 થી 12 પાસ ફક્ત અપરિણિત પુરુષ ઉમેદવારો પાસેથી નિયત ફોર્મમાં અરજીઓ મંગાવવામાં આવી છે.
આ 30 દિવસીય કેમ્પમાં રહીને ઉમેદવારોએ તાલીમ લેવાની રહેશે, જેમાં રહેવા-જમવાની સુવિધા સાથે શારીરિક અને બૌદ્ધિક કસોટી માટેની નિ:શુલ્ક તૈયારીઓ કરાવવામાં આવશે. આ તાલીમમાં અગાઉ તાલીમ પામેલા ઉમેદવારોને પુન:અરજી ન કરવા જણાવવામાં આવ્યું છે. તાલીમ માટે નિયત લાયકાત ધરાવતા યુવાનોએ ગાંધીનગરનાં સેકટર-11 માં સ્થિત સહયોગ સંકુલમાં સી. વિંગનાં પ્રથમ માળે આવેલી જિલ્લા રોજગાર વિનિમય કચેરીએ રૂબરૂ આવીને ફોર્મ ભરવાના રહેશે.
