અમે માત્ર મજબૂત વેપાર નથી, ઉર્જા ભાગીદારો છીએ…”: PM મોદી કુવૈતની મુલાકાતે

PM મોદી શનિવારે કુવૈતની મુલાકાત માટે રવાના થયા છે. વડા પ્રધાન નરેન્દ્ર મોદીએ શનિવારે કહ્યું હતું કે ભારત અને ગલ્ફ રાષ્ટ્ર પશ્ચિમ એશિયાના ક્ષેત્રની શાંતિ, સુરક્ષા અને સ્થિરતામાં સહિયારા હિત ધરાવે છે.પીએમ મોદીની કુવૈતની મુલાકાત સીરિયામાં રાષ્ટ્રપતિ બશર અલ-અસદના શાસનના પતન અને ગાઝામાં સતત ઈઝરાયેલના હુમલાના બે અઠવાડિયા પછી થઈ રહી છે. જ્યારે 22 ડિસેમ્બરે તેઓ કુવૈતના અમીર, ક્રાઉન પ્રિન્સ અને વડાપ્રધાન સાથે અલગ-અલગ બેઠકો કરશે. પછી એ જ દિવસે સાંજે તે વતન પરત ફરશે. વડાપ્રધાન મોદીની કુવૈતની આગામી મુલાકાત બંને દેશો વચ્ચેના સંબંધોમાં નવા યુગની શરૂઆત કરશે.આ દરમિયાન મોદી કુવૈતમાં ભારતીય સમુદાયના લોકો સાથે પણ મુલાકાત કરવાના છે. કુવૈતમાં હાલમાં 10 લાખ ભારતીયો રહે છે, જે ત્યાં રહેતા વિદેશી નાગરિકો પૈકી સૌથી વધુ છે. 43 વર્ષ પછી કોઈ ભારતીય પીએમ કુવૈતની મુલાકાત લેવાના છે. 1990માં જ્યારે ઈરાકે કુવૈત પર હુમલો કર્યો ત્યારે ભારતે તેની ટીકા કરી ન હતી. જેના કારણે કુવૈત સાથેના સંબંધોમાં તણાવ વધી ગયો હતો અને લાંબા સમય સુધી બંને દેશો વચ્ચે રાજકીય વાર્તાલાપ ઠપ થઈ ગયો હતો.