રાજ્ય સરકાર 4100 શિક્ષકોની કરશે ભરતી

કચ્છના વિદ્યાર્થીઓ માટે ખુશીના સમાચાર છે. રાજ્ય સરકારે કચ્છમાં શિક્ષકોની અછત દૂર કરવા માટે એક મોટો નિર્ણય લીધો છે. હવે કચ્છની સરકારી શાળાઓમાં માત્ર સ્થાનિક શિક્ષકોની જ ભરતી કરવામાં આવશે. આ નિર્ણયથી કચ્છના શિક્ષણમાં સુધારો થશે અને વિદ્યાર્થીઓને શ્રેષ્ઠ શિક્ષણ મળી રહેશે.

કચ્છ માટે ખાસ ભરતી

કચ્છ જિલ્લામાં પ્રાથમિક શાળાઓ માટે 2500 શિક્ષકો અને ધોરણ 6 થી 8 માટે 1600 શિક્ષકોની ભરતી કરવામાં આવશે. આ કુલ 4100 શિક્ષકોની ભરતી માત્ર કચ્છ જિલ્લા માટે જ હશે. આ શિક્ષકોની ક્યારેય બદલી કરવામાં આવશે નહીં અને તેઓએ જીવનભર કચ્છમાં જ નોકરી કરવાની રહેશે. આ નિર્ણયથી કચ્છના સ્થાનિક લોકોને રોજગારીની તકો પણ મળશે.

સ્થાનિક શિક્ષકોને પ્રાધાન્ય

આ ભરતીમાં કચ્છના સ્થાનિક લોકોને જ શિક્ષક તરીકે સામેલ કરવામાં આવશે. નિયમિત ભરતી ઉપરાંત કચ્છને 4100 વધારાના શિક્ષકો મળશે. કચ્છ જિલ્લામાં લાંબા સમયથી સ્થાનિક શિક્ષકોની ભરતીની માંગણી હતી, જેથી તેઓ પૂરા દિલથી ભણાવી શકે. સરકારનો આ નિર્ણય સ્થાનિક લોકોની લાગણીઓને માન આપી રહ્યો છે.

કોણ અરજી નહીં કરી શકે?

કચ્છ જિલ્લા સિવાયના અન્ય જિલ્લાના લોકો આ ભરતી માટે અરજી કરી શકશે નહીં. આ ઉપરાંત, જે શિક્ષકોની ભરતી થશે તેઓ આંતર-જિલ્લા બદલી માટે પણ અરજી કરી શકશે નહીં.