ડોનાલ્ડ ટ્રમ્પનો સંકેત: ચીન બાદ ભારત સાથે પણ ટૂંક સમયમાં ‘બિગ ડીલ’
વોશિંગ્ટન ડીસી: અમેરિકાના પૂર્વ પ્રમુખ ડોનાલ્ડ ટ્રમ્પે ચીન સાથે એક વેપાર કરાર પર હસ્તાક્ષર કર્યા હોવાનું જાહેર કર્યું છે. આ જાહેરાત દરમિયાન તેમણે ભારત સાથે પણ ટૂંક સમયમાં એક ‘ખૂબ મોટી ડીલ’ થવાનો સંકેત આપ્યો, જેનાથી દ્વિપક્ષીય સંબંધોમાં નવા અધ્યાયની આશા જાગી છે. ‘બિગ બ્યુટીફુલ બિલ’ કાર્યક્રમમાં સંબોધન કરતા ટ્રમ્પે જણાવ્યું કે, “દરેક વ્યક્તિ સોદો કરવા માંગે છે અને તેનો ભાગ બનવા માંગે છે. અમે ગઈકાલે જ ચીન સાથે હસ્તાક્ષર કર્યા હતા. અમે બીજો સોદો કરવા જઈ રહ્યા છીએ, કદાચ ભારત સાથે, ખૂબ મોટો સોદો.” જોકે, તેમણે સ્પષ્ટ કર્યું કે અમેરિકા દરેક દેશ સાથે આવા સોદા નહીં કરે, અને કેટલાક દેશોને ઊંચા ટેરિફનો સામનો કરવો પડી શકે છે.
