વડાલીના બાવળીયા ગામમાં યુવકનો મૃતદેહ મળ્યો: હત્યા કે અકસ્માત? પોલીસ તપાસ શરૂ

સાબરકાંઠા જિલ્લાના વડાલી તાલુકાના બાવળીયા ગામમાં આવેલા ગૌચર વિસ્તારમાંથી ૨૦ થી ૩૦ વર્ષીય અજાણ્યા યુવકનો મૃતદેહ મળી આવતા ચકચાર મચી ગઈ છે. સ્થાનિક લોકોએ આ અંગે વડાલી પોલીસને જાણ કરતા, પોલીસ કાફલો ઘટનાસ્થળે પહોંચી ગયો હતો.

વડાલી પી.એમ. (પોસ્ટમોર્ટમ) અને એફ.એસ.એલ. (Forensic Science Laboratory) ટીમ પણ સ્થળ પર પહોંચી હતી અને મૃતદેહની તપાસ હાથ ધરી હતી. પ્રાથમિક તપાસમાં, વીજળી પડવાથી અથવા અન્ય કોઈ કારણસર આ અજાણ્યા યુવકનું મોત થયું હોવાનું મનાઈ રહ્યું છે. જોકે, પોલીસે હાલ આ મામલે વધુ તપાસ હાથ ધરી છે, જેથી મૃત્યુનું ચોક્કસ કારણ જાણી શકાય. આ ઘટના હત્યા છે કે અકસ્માત, તે અંગેની તપાસ બાદ જ સ્પષ્ટ થશે.