સાદરા ગામમાં આગ: પશુપાલકના ઘાસચારાનો જથ્થો બળીને ખાખ

ગાંધીનગર જિલ્લાના સાદરા ગામ ખાતે પશુપાલક કનુભાઈ દેસાઈના મકાનમાં રાખેલો સૂકો ઘાસચારો કોઈ અગમ્ય કારણોસર સળગી ઉઠ્યો હતો. આગ એટલી ભીષણ હતી કે ઘાસચારાનો સમગ્ર જથ્થો બળીને ખાખ થઈ ગયો, જેના કારણે મધ્યમવર્ગના આ પશુપાલકને માથે મોટું આર્થિક નુકસાન આવ્યું છે. આ ઘટનાની જાણ થતાં જ ગાંધીનગરથી ફાયર બ્રિગેડ (Fire Brigade) ની આશરે 4 ટેન્કરો ઘટનાસ્થળે દોડી આવી હતી અને આગ બુઝાવવાની કામગીરી શરૂ કરી હતી. આગ પર કાબૂ મેળવી લેવાયો છે, પરંતુ ઘાસચારો બળી જતાં પશુપાલન પર નિર્ભર પરિવારો પર મુશ્કેલીનો ડુંગર તૂટી પડ્યો છે.