દહેગામ સરકારી ITI ખાતે વર્ષ ૨૦૨૬-૨૭ માટે પ્રવેશ પ્રક્રિયાનો પ્રારંભ, 23 જૂન સુધી ફોર્મ ભરી શકાશે
ઔદ્યોગિક તાલીમ સંસ્થા -ITI, દહેગામ ખાતે શૈક્ષણિક વર્ષ ૨૦૨૬ માટે પ્રવેશફોર્મ ભરવાની પ્રક્રિયા સત્તાવાર રીતે શરૂ કરવામાં આવી છે. સંસ્થાના આચાર્યશ્રી દ્વારા જાહેર કરવામાં આવેલી અખબારી યાદી મુજબ, દહેગામ આઇ.ટી.આઇ. ખાતે અલગ-અલગ ૧૦ જેટલા રોજગારલક્ષી ટેકનિકલ કોર્સો કાર્યરત છે. જેમાં ફિટર, ઇન્ફોર્મેશન એન્ડ ટેકનોલોજી, વેલ્ડર, વાયરમેન, કોમ્પ્યુટર એન્ડ પ્રોગ્રામીંગ, ટુ વ્હીલર ઓટો રીપેરર, મિકેનિક ડીઝલ, આર્મેચર મોટર રિવાઇન્ડીંગ, ઇલેક્ટ્રીશિયન અને રેફ્રિજરેશન એન્ડ એરકન્ડીશન ટેકનીશીયન જેવા વિવિધ કોર્સોનો સમાવેશ થાય છે.
પ્રવેશ મેળવવા ઈચ્છુક ઉમેદવારોએ જરૂરી દસ્તાવેજો સાથે આગામી ૨૩ જૂન સુધીમાં https://itiadmission.gujarat.gov.in/ વેબસાઇટ પર ઓનલાઇન પ્રવેશફોર્મ ભરવાનું રહેશે. ઓનલાઇન ફોર્મ ભર્યા બાદ ઉમેદવારોએ પોતાના અસલ દસ્તાવેજો સાથે નજીકની સરકારી ITI પર રૂબરૂ જઈ ચકાસણી કરાવવાની રહેશે તથા રૂ. ૫૦/- ઓનલાઇન રજીસ્ટ્રેશન ફી ભરીને પ્રવેશફોર્મ રજીસ્ટર કરાવવાનું રહેશે, ત્યારબાદ ઉમેદવારે પસંદગીના અભ્યાસક્રમ અને સંસ્થા માટે ઓનલાઇન ચોઇસ ફિલિંગ કરવાની રહેશે.
પ્રથમ રાઉન્ડના ઓનલાઇન પ્રવેશફોર્મ ભરવાની છેલ્લી તારીખ ૨૩/૦૬/૨૦૨૬ છે. ગાંધીનગર જિલ્લાની દહેગામ સરકારી ITI ના Admission Helpdesk પર વિનામૂલ્યે પ્રવેશફોર્મ ભરવાની વિશેષ સુવિધા કરવામાં આવી છે, જેથી આઇ.ટી.આઇ. માં પ્રવેશ મેળવવા ઈચ્છુક તમામ ઉમેદવારોને આ સુવિધાનો લાભ લેવા અને સમયમર્યાદામાં નોંધ લેવા ગુજરાત કૌશલ્ય તાલીમ સેવાના ઔદ્યોગિક તાલીમ સંસ્થા દહેગામના આચાર્યશ્રી દ્વારા જણાવાયું છે.
