ગાંધીનગર જિલ્લામાં ‘સ્વચ્છતા સપ્તાહ’ની ધામધૂમથી ઉજવણી: ગ્રામ્ય વિસ્તારોમાં ૧૦૦% સફાઈ અભિયાન હાથ ધરાયું

ગાંધીનગર, ૧૨ જૂન-
ગાંધીનગર જિલ્લામાં હાલમાં ‘સ્વચ્છતા સપ્તાહ અભિયાન’ અંતર્ગત વિવિધ નવતર અને સઘન કાર્યક્રમોનું આયોજન કરવામાં આવી રહ્યું છે. આ જ શ્રૃંખલામાં આજે શુક્રવારના રોજ જિલ્લાના ગ્રામ્ય વિસ્તારોમાં શેરીઓ, રસ્તાઓ અને ગટર વ્યવસ્થાની સામૂહિક સફાઈ માટે એક વિશેષ ઝુંબેશ ચલાવવામાં આવી હતી. આ અભિયાનનો મુખ્ય ઉદ્દેશ્ય જિલ્લાના પ્રત્યેક ગામને સંપૂર્ણ સ્વચ્છ અને આરોગ્યપ્રદ બનાવવાનો છે.

આજરોજ ગ્રામ પંચાયત હેઠળના તમામ આંતરિક રસ્તાઓ, બજાર વિસ્તારો તેમજ મુખ્ય ચોક અને માર્ગો, જાહેર મેળાવડાના સ્થળો સહિત પર સઘન સફાઈ હાથ ધરવામાં આવી હતી. આ ઉપરાંત, ગામના ઈન્ટર સેક્ટર અને એપ્રોચ રોડ સહિતના તમામ વિસ્તારોમાં ૧૦૦% સ્વચ્છતા સુનિશ્ચિત કરવામાં આવી છે. સ્થાનિક ગ્રામજનો અને પંચાયતના પ્રતિનિધિઓએ આ કામગીરીમાં ઉત્સાહભેર ભાગ લીધો હતો.

સ્વચ્છતા માત્ર કચરો વાળવા પૂરતી સીમિત ન રહેતા તેના યોગ્ય વ્યવસ્થાપન પર પણ ભાર મૂકવામાં આવ્યો હતો. પર્યાવરણને કોઈ નુકસાન ન થાય અને રોગચાળો ફેલાતો અટકાવી શકાય, તે માટે મહાઝુંબેશના દિવસે ગટર સફાઈ અને માર્ગો પરથી એકત્ર કરાયેલા તમામ પ્રકારના કચરાનો આ જ દિવસે યોગ્ય અને વૈજ્ઞાનિક ઢબે નિકાલ કરવામાં આવ્યો છે. આગામી દિવસોમાં પણ આ સપ્તાહ અંતર્ગત અન્ય પ્રવૃત્તિઓ દ્વારા સ્વચ્છતાનો સંદેશો ઘર-ઘર સુધી પહોંચાડવામાં આવશે.
***