સરગાસણના મોરલી કલાવૃંદ ગરબા ક્લાસમાં સ્વાતંત્ર્ય પર્વની ઉત્સાહભેર ઉજવણી

ગાંધીનગર:
સરગાસણ ખાતે વર્ષ 2012થી કાર્યરત મોરલી કલાવૃંદ ગરબા ક્લાસમાં આજે સ્વાતંત્ર્ય પર્વની ભવ્ય અને ઉત્સાહભેર ઉજવણી કરવામાં આવી હતી. ગરબા ક્લાસના સંચાલકો કેવલ ઠક્કર અને સચિન ઠક્કરના માર્ગદર્શન હેઠળ આયોજિત કાર્યક્રમમાં મોટી સંખ્યામાં ગરબા શીખતા સભ્યો જોડાયા હતા. મોરલી કલાવૃંદ ગરબા ક્લાસમાં ભવ્ય પ્રિયદર્શી, નિલેશ પટેલ, નવ્ય ભગોરા અને જીનલ દ્વારા પ્રાચીન તેમજ અર્વાચીન ગરબાની તાલીમ સંસ્કૃતિ અને પરંપરાને જાળવી

રાખીને આપવામાં આવે છે. સાથે જ વિવિધ તહેવારોની પણ પરંપરાગત રીતે ઉજવણી કરવામાં આવે છે. આ ગરબા ક્લાસની વિશેષતા એ છે કે અહીં નાના બાળકોથી લઈને વડીલો સુધીની વિવિધ વયજૂથની વ્યક્તિઓ ગરબા શીખવા માટે જોડાય છે. સ્વાતંત્ર્ય પર્વની ઉજવણી દરમિયાન પણ સૌએ દેશભક્તિ અને ઉત્સાહ સાથે ભાગ લઈને કાર્યક્રમને યાદગાર બનાવ્યો હતો. મોરલી કલાવૃંદ દ્વારા ગરબા સાથે ગુજરાતી સંસ્કૃતિ અને પરંપરાને નવી પેઢી સુધી પહોંચાડવાનું કાર્ય કરવામાં આવી રહ્યું છે.