ગાંધીનગર મનપા ચૂંટણીનું ચિત્ર સ્પષ્ટ: ભાજપ-કોંગ્રેસના 44-44 ઉમેદવારો મેદાનમાં

11 વોર્ડની 44 બેઠકો માટે વોર્ડવાર સંપૂર્ણ યાદી, ઉમેદવારોના ફોટા સાથે

ગાંધીનગર મહાનગરપાલિકાની 2026ની સામાન્ય ચૂંટણીને લઈને હવે ઉમેદવારોનું ચિત્ર સ્પષ્ટ થયું છે. મનપાના 11 વોર્ડની કુલ 44 બેઠકો માટે ભાજપ અને કોંગ્રેસે તમામ બેઠકો પર પોતાના ઉમેદવારો જાહેર કર્યા છે. ઉમેદવારી ફોર્મ પરત ખેંચવાની પ્રક્રિયા પૂર્ણ થયા બાદ ગાંધીનગર મનપાની ચૂંટણીમાં કુલ 130 ઉમેદવારો અંતિમ મેદાનમાં રહ્યા છે. દરેક વોર્ડમાં ચાર બેઠકો છે અને બેઠકોના અનામત વર્ગીકરણ પ્રમાણે બંને મુખ્ય રાજકીય પક્ષોએ ઉમેદવારોની પસંદગી કરી છે. નીચે વોર્ડ નં. 1થી 11 સુધી ભાજપ અને કોંગ્રેસના ઉમેદવારોની ફોટો સાથેની સંપૂર્ણ યાદી આપવામાં આવી છે.

ગાંધીનગર મનપાની ચૂંટણી માટે 11 ઓક્ટોબર 2026ના રોજ સવારે 7થી સાંજે 6 વાગ્યા સુધી મતદાન યોજાવાનું છે, જ્યારે 13 ઓક્ટોબરે મતગણતરી અને પરિણામ જાહેર થવાનું છે. મનપામાં કુલ 11 વોર્ડની 44 બેઠકો માટે ચૂંટણી યોજાઈ રહી છે. ભાજપે તમામ 44 બેઠકો માટે પોતાના ઉમેદવારોની યાદી પૂર્ણ કરી છે. કોંગ્રેસે પણ ઉમેદવારોની બે તબક્કાની યાદી જાહેર કરીને 44 બેઠકો માટે પોતાના ઉમેદવારો મેદાનમાં ઉતાર્યા છે. આ ચૂંટણીમાં વોર્ડવાર ઉમેદવારોની પસંદગી સાથે વિવિધ બેઠકોના અનામત વર્ગીકરણને પણ મહત્વ આપવામાં આવ્યું છે. હવે મતદાનની તારીખ નજીક આવતાં ઉમેદવારો અને રાજકીય પક્ષો દ્વારા પ્રચારની કામગીરી તેજ બનવાની છે.