ત્રીજા વિશ્વ યુદ્ધના ભણકારા: ઈરાને અમેરિકાને આપી ધમકી

બગદાદ
ઈરાકમાં અમેરિકન હુમલાંમાં ઈરાનના રેવોલ્યૂશનરી ગાર્ડ્સ કમાન્ડર કાસિમ સુલેમાનીના મોતને લઇને દુનિયાની રાજનીતિ ગરમાઇ ગઇ છે અને અમેરિકા અને ઈરાન વચ્ચે તણાવ વધી ગયો છે. ઈરાનના રેવોલ્યૂશનરી ગાર્ડ્સના પૂર્વ પ્રમુખે શુક્રવારે કહ્યું કે, ગાર્ડ્સના કુદ્સ ફોર્સના કમાન્ડર કાસિમ સુલેમાનીની બગદાદમાં હત્યાનો બદલો લેવામાં આવશે. ઈરાનના રેવોલ્યૂશનરી ગાર્ડે સરકારી ટેલીવિઝન પર એક નિવેદનમાં કુદ્સ યૂનિટના કમાન્ડર કાસિમ સુલેમાનીના મોતની પુષ્ટી કરી છે. નિવેદનમાં કહ્યું છે કે, બગદાદમાં અમેરિકન દળોના હુમલામાં તેમનું મોત થઇ ગયું.
એક્સ્પીડીએન્સી કાઉન્સિલના પ્રમુખ અને ગાર્ડ્સના પૂર્વ પ્રમુખ મોહસિન રેજાઈએ ટ્વિટ કર્યો, “સુલેમાની પોતાના શહીદ ભાઈઓમાં સામેલ થઇ ગયો છે પરંતુ અમે અમેરિકાથી બદલો લઇશું. ઈરાનના રાષ્ટ્રપતિ હસન રૂહાનીએ શુક્રવારે ઈરાન સરકારની વેબસાઈટ પર પોસ્ટ કરવામાં આવેલ એક નિવેદનમાં કહ્યું, “તે વાતમાં કોઈ જ શક નથી કે, મહાન રાષ્ટ્ર ઈરાન અને ક્ષેત્રના અન્ય આઝાદ દેશ અપરાધી અમેરિકાના આ જઘન્ય અપરાધનો બદલો લેશે. આ વચ્ચે ઈરાનની અર્ધ સરકારી સંવાદે આઈએસએનએના પ્રવક્તા કેયવાન ખોસરાવીએ કહ્યું કે, બગદાદમાં જનરલ સુલેમાનીના વાહન પર તેમની હત્યા માટે કરવામાં આવેલા હુમલાની સમીક્ષા ઈરાનની સુપ્રીમ નેશનલ સિક્યોરિટી કાઉન્સિલની બેઠક થશે.
તો બીજી તરફ, અમેરિકન રક્ષા મંત્રાલયે શુક્રવારે કહ્યું કે, અમેરિકન રાષ્ટ્રપતિ ડોનાલ્ડ ટ્રમ્પે “વિદેશમાં અમેરિકન કર્મચારીઓની સુરક્ષા માટે સ્પષ્ટ રક્ષાત્મક કાર્યવાહી” કરીને ઈરાનના રેવોલ્યૂશનરી ગાર્ડ્સ કમાન્ડર કાસિમ સુલેમાનીને મારવાનો આદેશ આપવામાં આવ્યો હતો.રક્ષા મંત્રાલયે એક નિવેદનમાં દાવો કર્યો કે, “જનરલ સુલેમાની સક્રિય રૂપથી ઈરાકમાં અમેરિકન રાજદ્વારીઓ અને સૈન્ય કર્મચારીઓ પર હુમલાની સક્રિય રૂપથી યોજના બનાવી રહ્યું હતુ. જનરલ સુલેમાની અને તેમના કુદ્સ ફોર્સ સેકન્ડ અમેરિકન અને અન્ય ગઠબંધન સહયોગી સભ્યોના મોત અને હજારોની સંખ્યામાં ઈજાગ્રસ્ત કરવા માટે જવાબદાર છે.