દિવાળી બાદ રાજ્યમાં ફરીથી ખૂલી શકે છે શાળાઓ, શિક્ષણમંત્રીએ આપ્યા સંકેત

હાલ કોરોના મહામારીને કારણે દેશના અનેક રાજ્યોમાં શાળાઓને જરૂરી દિશાનિર્દેશો સાથે ખોલી દેવામાં આવી છે. પણ હજુ સુધી ગુજરાતમાં હજુ સુધી શાળાઓ ખોલવા અંગે કોઈ નિર્ણય કરવામાં આવ્યો નથી. તેવામાં શિક્ષણમંત્રી ભૂપેન્દ્રસિંહ ચૂડાસમા અને સંચાલકોના વેબિનારમાં શાળા ખોલવા અંગે મોટો સંકેત સામે આવી રહ્યો છે. દિવાળી બાદ રાજ્યમાં શાળાઓ ફરીથી ખૂલી શકે છે.
આજે શિક્ષણમંત્રી ભૂપેન્દ્રસિંહ ચૂડાસમા અને શાળા સંચાલકો વચ્ચે શાળાઓને લઈ એક વેબિનારનું આયોજન થયું હતું. આ વેબિનારમાં ગુજરાતમાં શાળાઓ ખૂલવા અંગે મોટો સંકેત સામે આવ્યો છે. રાજ્યમાં ધોરણ 1 થી 5 સુધીના બાળકો માટે દિવાળી પછી પણ શાળા ખૂલશે નહીં. દિવાળી વેકેશન પછી ધો. 9થી12નાં વિદ્યાર્થીઓ માટે શાળાઓ શરૂ કરવામાં આવશે.
આ ઉપરાંત ગ્રામ્યમાં ધોરણ 6થી8નાં બાળકોને છૂટ આપવા રાજ્ય સરકાર વિચારણા કરી રહી છે. એટલું જ નહીં, પણ દિવાળી વેકેશન પણ સરકાર દ્વારા ટૂંકાવી દેવામાં આવ્યું છે. ગુજરાત સ્વનિર્ભર શાળા સંચાલક મંડળના ઉપ પ્રમુખ જતિન ભરાડે જણાવ્યું કે, પહેલા ચરણમાં 9 થી 12ની શાળાઓ શરૂ કરવામાં આવશે અને પછી સ્થિતિ કાબૂમાં રહેશે તો નાના વર્ગો ખોલવા ચર્ચા કરાશે.