અમદાવાદ કલેક્ટર કચેરી અને RTOમાં ગુરુવારથી 4 દિવસ કામ બંધ

જિલ્લા કલેક્ટર અને આરટીઓ કચેરીમાં ગુરુવારથી રવિવાર સુધી પ્રજાલક્ષી કામ થઇ શકશે નહીં. ગુરૂવારે મહાશિવરાત્રી હોવાથી જાહેર રજા છે. શુક્રવારે વડાપ્રધાનની અધ્યક્ષતામાં દાંડીયાત્રા હોવાથી ગાંધી આશ્રમથી સુભાષબ્રિજ રોડ પર વાહનોની અવરજવર નહીં થઇ શકે. આ ઉપરાંત બીજા શનિવાર અને રવિવારની જાહેર રજા હોઇ, જેથી હવે સોમવારે લોકોના કામ થશે.

શુક્રવારે દાંડીયાત્રાના લીધે હાલ જિલ્લા કલેક્ટર અને આરટીઓ કચેરીના અધિકારીઓ વ્યસ્ત છે. આરટીઓ કચેરીના મેદાન સહિત આસપાસના સ્થળોએ વાહન પાર્કિંગની વ્યવસ્થા કરાઇ છે.