કોરોના સંક્રમણ વઘતા CM વિજય રૂપાણીની અધ્યક્ષતામાં યોજાશે બેઠક, રાત્રી કર્ફ્યુ-પ્રતિબંધોમાં કરાશે સમીક્ષા
કોરોનાની સ્થિતિ, વ્યવસ્થા અને રસીકરણ અંગે સમીક્ષા કરવામાં આવશે. આ ઉપરાંત મુખ્યમંત્રી વિજય રૂપાણી શાળા-કોલેજો મામલે અને પરીક્ષાઓ યોજવા અંગે માર્ગદર્શન આપશે. તેમજ ઉનાળાની શરૂઆતમાં પાણી વિતરણનો મામલે પણ આ બેઠકમાં ચર્ચા કરવામાં આવશે. તો રાજ્યમાં સરકારી યોજનાઓના અમલીકરણ પર ચર્ચા કરાશે. મનપા વિસ્તારોમાં રાત્રી કર્ફ્યુ અને પ્રતિબંધો અંગે પણ સમીક્ષા થશે.
રાજ્યમાં વેક્સિનેશન કામગીરી ઝડપી બનાવવા પ્રયાસ કરાઇ રહ્યા છે. વૃદ્વાશ્રમમાં આજથી વેક્સિન આપવાની કામગીરી શરૂ કરવામાં આવશે. નિરાશ્રય લોકોને પણ કોરોના વેક્સિન આપવામાં આવશે. વેક્સિન માટે આધાર કાર્ડની આવશ્યકતા નહીં રહે. અત્યાર સુધીમાં 34.94 લાખ લોકોને વેક્સિનનો પ્રથમ ડોઝ અપાયો છે. 6.09 લાખ લોકોને વેક્સિનના બે ડોઝ આપવામાં આવ્યા છે.
