કોરોના ઈફેક્ટ : UPSCએ 27મી જૂને યોજાનારી પ્રી-પરીક્ષા રદ્દ કરી
કોરોના વધતા જતા કેસોને ધ્યાનમાં રાખીને UPSCએ 27 જૂને યોજાનારી સિવિલ સર્વિસની પ્રી-પરીક્ષા મુલતવી રાખી છે. હવે આ પરીક્ષા 10 ઓક્ટોબરના રોજ લેવામાં આવશે.
દેશમાં કોરોનાના કેસમાં છેલ્લા 24 કલાકમાં થોડો વધારો નોંધાયો છે. બુધવારે 3 લાખ 62 હજાર 389 નવા દર્દીઓ નોંધાયા હતા, 3 લાખ 51 હજાર 740 લોકો સાજા થયા હતા. છેલ્લા બે દિવસથી 3.50 લાખથી પણ ઓછા કેસ આવી રહ્યા હતા અને એ કરતાં વધુ લોકો સાજા થયા હતા. ગઇકાલે દેશમાં 4,127 લોકોનાં મોત થયાં. આ સતત બીજો દિવસ છે, જ્યારે કોરોનાને કારણે 4 હજારથી વધુ લોકોએ જીવ ગુમાવ્યો છે.
દેશમાં અત્યારસુધીમાં 2.37 કરોડ લોકો આ મહામારીની ઝપેટમાં આવી ચૂક્યા છે. આ જ રીતે કુલ 1.97 કરોડ લોકો સાજા થઈ ચૂક્યા છે. છેલ્લા કેટલાક દિવસોમાં સરેરાશ 3 લાખથી વધુ લોકો સ્વસ્થ થઈ રહ્યા છે, તેથી આજે આ આંકડો 2 કરોડને પાર થઈ જશે. હાલમાં કુલ 37.06 લાખ લોકો સારવાર લઈ રહ્યા છે.
