24 Juneએ જોવા મળશે વર્ષનું છેલ્લું સુપરમૂન, આ બે ગ્રહોની પણ જોવા મળશે ઝલક
આ સપ્તાહે આકાશમાં એક સુંદર નજારો જોવા મળવાનો છે. આ વર્ષનું છેલ્લું સુપર મૂન (Last Supermoon 2021) 24 Juneએ જોવા મળશે. Farmers’s Alamanac મુજબ આને સ્ટ્રોબેરી મૂન (Strawberry Moon) નામ આપવામાં આવ્યું છે.
કારણ કે આ સમયે ઉત્તર અમેરીકામાં સ્ટ્રોબેરી લણવાનો સમય ચાલી રહ્યો છે. અમેરિકન સ્પેસ એજેન્સી NASA અનુસાર બુધવારથી જ સુપર મૂન નજર આવવા માંડશે, પરંતુ બીજા દિવસે એટલે કે 24 June 2021 ગુરુવારે વધુ ઊંચાઈ પર અને સુંદર રીતે જોવા મળશે.
આ સમયગાળા દરમ્યાન ચંદ્ર અને ધરતી વચ્ચેનું અંતર ઘણું નજીક હોય છે. જેથી સામાન્ય પૂર્ણ ચંદ્ર (પુનમ) કરતાં વધુ નજીક અને વધુ રોશની ફેંકતો દેખાય છે. આ સ્ટ્રોબેરી મૂન (Strawberry Supermoon)ને બીજા અન્ય નામો જેમ કે બ્લૂમિંગ મૂન, ગ્રીન કોર્ન મૂન, હોયર મૂન,બર્થ મૂન, હેચિંગ મૂન, હાનિ મૂન, અને મિડ મૂન પણ કહે છે. આ સમય દરમ્યાન વધુ લગ્નો થતાં હોવાથી ‘હની મૂન’ નામ આપવામાં આવ્યું છે.
ચંદ્રની સાથે આ બે ગ્રહો પણ જોવા મળશે
સ્ટ્રોબેરી મૂન ગુરુવારે ગુલાબી રંગની જગ્યાએ સોનેરી રંગનો દેખાશે. આ સમય દરમિયાન ચંદ્રની સાથે શુક્ર અને મંગળ પણ આકાશમાં દેખાશે. વર્ષ 1930માં મેન ફાર્મર અલમેન કે ચંદ્રના નામ છાપવાનું શરૂ કર્યું હતું. આ મુજબ, એપ્રિલના પૂર્ણ ચંદ્રને પિંક મૂન કહેવામાં આવે છે. પિંક મૂનનું નામ અમેરિકામાં જોવા મળતાં એક છોડ ઉપરથી રાખવામાં આવ્યું છે.
