SPOનાં ઘરમાં ઘુસીને આતંકીઓએ કર્યો હુમલો
કાશ્મીર પોલીસનાં જણાવ્યા મુજબ, રવિવારે મોડી સાંજે આતંકવાદીઓએ પુલવામા જિલ્લાના હરિપરીગામ ગામે SPOનાં ઘર પર હુમલો કરીને અંધાધૂધ ફાયરિંગ કર્યું હતું. જેમાં SPO (Special police officer) ફૈયાઝ અહેમદ શહીદ થયા હતા. જ્યારે, મળેલ જાણકારી અનુસાર તેની પત્નીનું સારવાર દરમિયાન મોત થયું છે. અને તેમની પુત્રીની સ્થિતિ હાલ ગંભીર છે.
પુલવામા થયેલ આતંકી હુમલાને લઈને કશ્મીર પોલીસ દ્વારા ટ્વિટ (Tweet) કરવામાં આવ્યું હતું . જેમાં લખ્યું હતું કે,આતંકવાદીઓએ પુલવામાનાં અવંતીપોરામાં (Avantipora) આતંકીઓએ SPOનાં ઘરમાં ઘુસીને હુમલો કર્યો, જેમાં અંધાધૂંધ ગોળીબારમાં SPO ફૈયાઝ અહેમદ (Faiyaz Ahmed) શહીદ થયા છે અને તેમની પત્ની અને પુત્રીને પણ ગોળીબારને કારણે ગંભીર ઈજાઓ થઈ હતી. હાલ, આ વિસ્તાર ઘેરીને સર્ચ આપરેશન (Serch opreation) હાથ ધરવામાં આવ્યું છે.
આતંકી હુમલાને લઈને કશ્મીર પોલીસ અધિકારીએ (Police officer) જણાવ્યું કે, હુમલા બાદ ઇજાગ્રસ્ત લોકોને હોસ્પિટલમાં લઈ જવામાં આવ્યા હતા. જ્યાં ફૈયાઝ અહેમદને મૃત જાહેર કરવામાં આવ્યા હતા. હાલ, સારવાર દરમિયાન તેની પત્નીનું પણ નિધન થયું છે. વધુમાં ઉમેર્યું હતું કે, સુરક્ષા દળોએ(Army) હુમલો કરનારને શોધવા માટે હાલ સમગ્ર વિસ્તારને (Whole area) ઘેરી લીધો છે.
