OBC વર્ગને લઈને મોદી સરકાર મોટો કાયદો લાવવાની તૈયારીમાં, આજે લોકસભામાં લેવાઈ શકે છે મોટો નિર્ણય, જાણો લાભ
કેન્દ્રની સરકાર આજે OBC વર્ગ પર મોટો નિર્ણય લેવા જઈ રહી છે. ચોમાસુ સત્રના છેલ્લા અઠવાડિયાના પહેલા દિવસે સરકાર રાજ્યોને ઓબીસીનું લિસ્ટ બનાવવાનો અધિકાર આપનારો 127મો સંવિધાન સંશોધન બિલ રજૂ કરાશે. સંસદનું ચોમાસુ સત્ર હોબાળાથી ભરપૂર રહ્યું છે અને પેગાસસ અને ખેડૂત મદ્દા પર પણ વિપક્ષી પાર્ટીઓ સતત હલ્લાબોલ કરી રહી છે.
બિલને મળી શકે છે વિપક્ષનું સમર્થન
એક રિપોર્ટના અનુસાર સંસદનું ચોમાસુ સત્ર ખૂબ જ ચર્ચા સ્પદ રહ્યા બાદ 127મા સંવિધાન સંશોધન બિલને રજૂ કરવામાં મુશ્કેલી આવશે નહીં કેમકે કોઈ પણ રાજકીય પક્ષ આરક્ષણ સંબંધી બિલનો વિરોધ કરશે નહીં. આ સાથે આ બિલને પસાર કરાવવાનું સરકાર માટે મુશ્કેલ હોઈ શકે છે. આ બિલને પસાર કર્યા બાદ રાજ્યો પોતાનું ઓબીસી લિસ્ટ બનાવવાનો અધિકાર મેળવી શકશે.
બિલ પર સુપ્રીમ કોર્ટે મે મહિનામાં લગાવી હતી રોક
સુપ્રીમ કોર્ટે આ વર્ષે મે મહિનામાં કેન્દ્ર સરકારને જ ઓબીસીનું લિસ્ટ બનાવવાનો અધિકાર આપ્યો હતો. જો કે કેન્દ્ર સરકારે તેનો વિરોધ કર્યો હતો. સુપ્રીમ કોર્ટના નિર્ણયને સરકારના સંવિધાન સંશોધનની મદદથી બદલવામાં આવી રહ્યો છે. સંસદથી સંવિધાનના અનુચ્છેદ 342-એ અને 366 (26)- સીના સંશોધન પર મહોર લગાવ્યા બાદ રાજ્યોની પાસે ફરીથી ઓબીસી લિસ્ટમાં જાતિને અધિસૂચિત કરવાનો અધિકાર રહેશે. સુપ્રીમ કોર્ટે ગયા મહિને કેન્દ્રની અરજીને નકારી હતી. તેમાં સરકારે કોર્ટને ફરીથી વિચાર કરવા પણ અનુરોધ કર્યો હતો.
ગયા અઠવાડિયે મેડિકલ શિક્ષામાં અપાયો હતો કોટા
આ પહેલા કેન્દ્ર સરકારે ગયા અઠવાડિયે અખિલ ભારતીય કોટોના આધારે મેડિકલ કોલેજમાં નામાંકનમાં ઓબીસી વર્ગ અને આર્થિક રીતે નબળા વર્ગના વિદ્યાર્થીઓને માટે આરક્ષણનો નિર્ણય લીધો હતો. તમામ મેડિકલ અને ડેન્ટલ કોલેજમાં અખિલ ભારતીય કોટા યોજનાના આધારે ઓબીસી વર્ગને 27 ટકા અને ઈડબ્લ્યૂએસ વર્ગના વિર્દ્યાર્થીઓને 10 ટકા આરક્ષણ મળશે.
