દિગ્ગજ ફૂટબોલર ખેલાડીનું નિધન, 39 વર્ષ સુધી કોમામાં રહ્યા

ભૂતપૂર્વ ફ્રેન્ચ ફૂટબોલર (Footballer) જીન પિયર એડમ્સ ( Jean-Pierre Adams)નું 6 સપ્ટેમ્બરના રોજ અવસાન થયું. તેઓ 73 વર્ષના હતા. એડમ્સ છેલ્લા 39 વર્ષથી કોમામાં હતા. 1982માં તેને ઘૂંટણના ઓપરેશન પહેલા એનેસ્થેટિક આપવામાં આવી હતી. પરંતુ આ દવા એડમ્સ માટે શ્રાપ બની ગઈ અને તે કોમામાં સરી ગયો અને હોશમાં પાછો આવી શક્યો નહિ. આફ્રિકન દેશ સેનેગલમાં જન્મેલા એડમ્સ ( Jean-Pierre Adams)ડિફેન્ડર તરીકે ફુટબોલ રમતા હતા. તે નાઇસ અને પેરિસ સેન્ટ-જર્મન (Paris Saint-Germain) જેવી ક્લબો માટે પણ રમ્યો હતો.તેમણે 1972 અને 1976 વચ્ચે 22 વખત ફ્રાન્સનું પ્રતિનિધિત્વ કર્યું. તેણે નાઇસ ક્લબ માટે મહત્તમ 140 મેચ રમી હતી. ક્લબે શ્રદ્ધાંજલિ આપતા કહ્યું કે, તે 19 સપ્ટેમ્બરે મોનાકો સામેની મેચ પહેલા જીન-પિયર એડમ્સ (Jean-Pierre Adams)ને યાદ કરશે.
ટ્રેનિંગ કેમ્પ (Training camp) દરમિયાન એડમ્સને ઘૂંટણમાં ઈજા થઈ હતી. આવી સ્થિતિમાં તેને લિયોનની હોસ્પિટલમાં લઈ જવામાં આવ્યો. પરંતુ તે દિવસે હોસ્પિટલના કર્મચારીઓની હડતાલ (Strike)હતી. તેમ છતાં તેનું ઓપરેશન કરવામાં આવ્યું હતું. આ દરમિયાન એનેસ્થેસિયા નિષ્ણાતે 8 દર્દીઓની સંભાળ રાખવી પડી. એક તાલીમાર્થી દ્વારા એડમ્સની દેખરેખ રાખવામાં આવી હતી.

આવી સ્થિતિમાં, તેમને દવા આપવામાં ગડબડ થઈ ગઈ. જેના કારણે એડમ્સને હાર્ટ એટેક આવ્યો. તે જ સમયે, તેના મગજ પર પણ અસર થઈ અને તે કોમામાં ગયો. આ કિસ્સામાં, 1985 ની આસપાસ, ડોક્ટર અને તાલીમાર્થીને સજા કરવામાં આવી હતી. બંનેને એક મહિના માટે સસ્પેન્ડ કરવામાં આવ્યા હતા. આ સાથે 750 યુરોનો દંડ પણ લગાવવામાં આવ્યો હતો.

કોમામાં ગયાના 15 મહિના બાદ એડમ્સને હોસ્પિટલમાંથી રજા આપવામાં આવી હતી. તેમને ઘરમાં રાખવામાં આવ્યા હતા. ત્યારથી તેની પત્ની એડમ્સ તેની સંભાળ રાખતી હતી. તેણે ક્યારેય એડમ્સની લાઇફ સપોર્ટ સિસ્ટમ બંધ કરી નથી. તેમણે એડમ્સની અથાક કાળજી લીધી હતી.