ઘૂસણખોરીની આશંકાએ ચીની નાગરિકોને ઈ-વિઝા નહીં : ભારત

નવી દિલ્હી :

સરહદ પર આક્રમક વલણ અપનાવી રહેલા ચીનને ભારતે તેની જ ભાષામાં જવાબ આપવાનું શરૂ કર્યું છે. ભારતે સોમવારથી ફરીથી ૧૫૨ દેશો માટે ઈ-વીઝા સુવિધા શરૂ કરી દીધી છે, પરંતુ આ વખતે ચીન, હોંગકોંગ અને મકાઉને આ દેશોની યાદીમાંથી બહાર રાખ્યા છે. જ્યારે તાઈવાન, વિયેતનામ, સિંગાપોર અને અમેરિકા સહિત ૧૫૨ દેશોના નાગરિકોને ભારતમાં ઈ-વિઝાની સુવિધા પૂરી પાડશે. ચીન ઉપરાંત ભારતે કેનેડા, બ્રિટન, ઈરાન, મલેશિયા, ઈન્ડોનેશિયા અને સાઉદી અરબને પણ પરસ્પર સહયોગ ન મળવાના કારણે આ યાદીમાંથી બહાર રાખ્યા છે. અગાઉ ચીન સહિત ૧૭૧ દેશો માટે ઈ-વિઝાની સુવિધા ઉપલબ્ધ હતી. પરંતુ કોરોના મહામારીના કારણએ માર્ચ ૨૦૨૦માં જાહેર થયેલા પ્રવાસ પ્રતિબંધો પછી બધા જ પ્રકારના ઈ-વિઝા પણ અટકાવી દેવાયા હતા.