કઠલાલ કપડવંજ રોડ પર ભયંકર અકસ્માત, કારનો થયો કૂચો, 4 લોકોના મોત

કઠલાલ-કપડવંજ રોડ ઉપર મોડી રાત્રે ગમખ્વાર સર્જાયો છે, અકસ્માત એટલો ગંભીર હતા તો આસપારના લોકો પણ અકસ્માતની જાણ થતા ઘટના સ્થળે દોડી આવ્યા હતા.. પોરડા પાટિયા નજીક સર્જાયેલા અકસ્માતમાં ચાર લોકોના કરુણ મોત નિપજ્યા છે, જ્યારે અન્ય ઈજાગ્રસ્તોને સારવાર અર્થે ખસેડવામાં આવ્યા છે.

કઠલાલ કપડવંજ રોડ પર મોડી રાત્રે ગંભીર અકસ્માતની ઘટના સામે આવી હતી. જેમાં પૂરપાટ ઝડપે આવી રહેલી કાર ધડાકાભેર ટેન્કર સાથે અથડાઈ હતી, આ ઘટનામાં ચાર લોકોના મોત નિપજ્યા છે. જ્યારે અન્ય લોકો ઈજાગ્રસ્તોને સારવા અર્થે ખસેડાયા છે, ઘટનામાં મુત્યુ પામનાર લોકો સુરેન્દ્રનગરના હોવાનું અનુમાન સેવાઈ રહ્યું છે.

અકસ્માતના બનાવની જાણ થતા પોલીસ ઘટના સ્થળે દોડી આવી હતી તો અકસ્માતને પગલે રોડ પર ટ્રાફિકજામના દ્રશ્યો પણ સર્જાયા હતા. પોલીસ ટ્રાફિકને નિયંત્રિત કરી આગળની કાર્યવાહી હાથ ધરી હતી. મૃતકોને પીએમ અર્થે ખસેડવામાં આવ્યા હતા. જ્યારે પોલીસે પરિવારને જાણ કરતા પરિવારમાં પણ શોકનો માહોલ છવાઈ ગયો હતો.