રવિવારે ભારત માતા મંદીર ખાતે ભકિત ગીતો-શૌર્યગીતો અને લોકગીતોથી ભરપુર કસુંબલ ડાયરાનું આયોજન

ગુજરાત રાજય સંગીત નાટક અકાદમી ગાંધીનગરના આર્થિક સહ્યોગથી આઝાદીના અમૃત મહોત્સવ નિમિત્તે દેશદાઝથી ભરપુર દેશ ભકિત ગીતો-શૌર્યગીતો અને લોકગીતો થી ભરપુર કસુંબલ ડાયરાનું તાઃ ૧૭-૭-૨૦૨૨ રવિવાર ના રોજ રાત્રેઃ ૭.૩૦ કલાકે ભારત માતા મંદીર સેકટર-૭/એ ગાંધીનગર ખાતે આયોજન કરવામાં આવેલ છે. આ કાર્યક્રમમાં જાણીતા લોકગાયક શ્રી ભરત ઠાકોર તથા રેડીયો અને ટીવી ના જાણીતા આંતરરાષ્ટ્રીય કલાકાર (ICCR માન્ય, ભારત સરકાર) શ્રી સુરેશ રત્નોત્તર, જાણીતા લોકગાયિકાઓ સુ.શ્રી રેખાબેન પંચાલ, સુ.શ્રી કલ્પના પંડયા તથા માસ્ટર જનેશ સોની સંગીતસભર કાર્યક્રમ ‘કસુંબલ ડાયરો‘ રજુ કરશે. સંગીતના સૂરો રેલાવશે શ્રી જિજ્ઞેશ પંચાલ, શ્રી ભૌમિક દવે, શ્રી ભલાભાઇ સોલંકી, સમગ્ર કાર્યક્રમનુ સંચાલન જાણીતા લોકસાહીત્યકાર શ્રી મોનાજી બારોટ કરશે.

કાર્યક્રમમાં સરકારશ્રીની કોવિડ-૧૯ની ગાઇડલાઇનનું સંપૂર્ણપણે પાલન કરવામાં આવશે. આ કસુંબલ ડાયરાનો કાર્યક્રમ માણવા-શહીદોને શ્રધાંજલિ –વીરાંજલિ અર્પવા સર્વે સંગીત પ્રેમીઓને ભાવભીનુ આમંત્રણ છે.