ગણેશનો પ્રસાદ મોંઘો થયો, મોદકનો ભાવ 1200 થયો

ભગવાન ગણેશના પર્વ ગણેશ ચતુર્થીના તહેવારને હવે ગણતરીના દિવસો બાકી રહ્યા છે. બે વર્ષ બાદ ભગવાન ગણેશ દુંદાળાના લોકપ્રિય મોદક બુંદી કે લાડુના પ્રસાદના ભાવમાં ગયા વર્ષની સરખામણીમાં 20 ટકાનો વધારો થયો છે. અમદાવાદની ઘણી મીઠાઈની દુકાનોમાં મોદક 700 થી 1200 રૂપિયા પ્રતિ કિલો મળી રહ્યો છે. બીજી તરફ, બુંદીના લાડુની કિંમત 780 રૂપિયા પ્રતિ કિલો અને મોતીચૂર લાડુની કિંમત 680 રૂપિયા પ્રતિ કિલો છે. આ રીતે, ગત ગણેશ ચતુર્થીની સરખામણીમાં તેની કિંમતમાં પણ નોંધપાત્ર વધારો થયો છે. આ અંગે અમદાવાદના એક મીઠાઈના વેપારીએ જણાવ્યું હતું કે ‘છેલ્લા એક વર્ષમાં દૂધ અને ખાંડના ભાવમાં વધારો થયો છે. જેના કારણે ગત વર્ષની સરખામણીએ મોદક, બુંદીના કે લાડુ સહિતની મીઠાઈઓમાં 10 થી 15 ટકાનો વધારો જોવા મળ્યો છે. ગત વર્ષે ગણેશ ચતુર્થી પર મોદકની કિંમત 57 થી 800 સુધીની હતી. હવે તે 700 થી વધીને 1200 થઈ ગયો છે. આ ઉપરાંત પ્રસાદમાં વપરાતી અન્ય મીઠાઈઓ સહિત કેસર પેંડાની કિંમત 710 રૂપિયા, સફેદ પેંડા 660 રૂપિયા અને મલાઈ પેંડા-મથુરા પેંડાની કિંમત વધી છે. 720. ગણેશોત્સવ દરમિયાન મીઠાઈના ભાવમાં વધારો જોવા મળે છે. નોંધનીય છે કે આ વખતે કોરોનાના નિયંત્રણને કારણે જાહેરમાં ગણેશ ઉત્સવનું આયોજન કરવાની મંજૂરી આપવામાં આવી છે અને તેના કારણે ભક્તોમાં અનેરો ઉત્સાહ જોવા મળી રહ્યો છે.