PM મોદી ફરી આવશે ગુજરાતના ઉંબરે : રાજકોટની જનતાને કરોડોના વિકાસ કામો આપશે

ગુજરાતમાં ચૂંટણીને ધ્યાનમાં રાખીને છેલ્લા ઘણા દિવસોથી પીએમ મોદીની ગુજરાત મુલાકાત વધી છે. ત્યારે ફરી એકવાર 19 ઓક્ટોબરે પીએમ મોદી ગુજરાત આવશે. વડાપ્રધાન નરેન્દ્ર મોદી 19 ઓક્ટોબરે રાજકોટની મુલાકાતે આવવાના છે. પીએમ મોદીને આવકારવા રાજકોટવાસીઓ ઉમટી પડ્યા છે.બીજી તરફ આરએમસીએ પણ વડાપ્રધાન નરેન્દ્ર મોદીની મુલાકાતની તૈયારીઓ કરી લીધી છે. PM મોદી રાજકોટમાં 5 હજાર કરોડના વિકાસ કામોનું લોકાર્પણ અને લોકાર્પણ કરશે. સિવિલ હોસ્પિટલ ચોક, નાના મહુવા ચોક અને રામદેવપીર ચોક ખાતે 200 કરોડના ખર્ચે ત્રણ બ્રિજનું લોકાર્પણ કરવામાં આવશે. આ બ્રિજ ખુલ્લો થતાં 7 લાખથી વધુ વાહનોને ટ્રાફિકની સમસ્યામાંથી રાહત મળશે.

19મીએ રાજકોટ એરપોર્ટથી રેસકોર્સ સુધી પીએમના ભવ્ય રોડ-શોના આયોજન અંગે પણ બેઠકમાં ચર્ચા કરવામાં આવી હતી.રાજકોટ શહેરમાં વધતી જતી ટ્રાફિક સમસ્યાના નિરાકરણ માટે શહેરના વિવિધ વિસ્તારોમાં અંડર બ્રિજ અને ઓવરબ્રિજ બનાવવામાં આવી રહ્યા છે. આગામી 19મીએ વડાપ્રધાન નરેન્દ્ર મોદી શહેરના સિવિલ હોસ્પિટલ ચોક, નાના મહુવા ચોક અને રામદેવપીર ચોક ખાતે 200 કરોડના ખર્ચે બનેલા ત્રણ ઓવરબ્રિજનું લોકાર્પણ કરશે.આ ત્રણેય પુલ પરથી પસાર થવાથી સાત લાખ વાહન માલિકોને ટ્રાફિક સમસ્યામાંથી રાહત મળશે. હોસ્પિટલ ચોક બ્રિજ જામનગર, અમદાવાદ તરફ જવા માટે ખૂબ જ ઉપયોગી થશે.

આ સાથે રૂ. 5000 કરોડના વિકાસ કાર્યો પૂર્ણ કરી લોકાર્પણ કરવામાં આવશે. વડાપ્રધાન મોદીના સ્વાગત માટે સમગ્ર રાજકોટ જહેમત ઉઠાવી રહ્યું છે.રેસ કોર્સમાં 1.5 લાખ લોકો એકઠા થવાની ધારણા છે. મેયરના બંગલાને પણ શણગારવામાં આવ્યો છે. રેસકોર્સની ચારેબાજુ રોશની કરવામાં આવશે. મહાનગરપાલિકા, જિલ્લા વહીવટી તંત્ર અને ભાજપના આગેવાનો દ્વારા જોરશોરથી તૈયારીઓ શરૂ કરી દેવામાં આવી છે.