ગુજરાત AAPમાં મુખ્યમંત્રીનો ચહેરો કોણ હશે? આજે બપોરે પડદો ઊઠશે! જાણો કોનું નામ ચર્ચામાં

આમ આદમી પાર્ટીના કન્વીનર અને દિલ્હીના મુખ્યમંત્રી અરવિંદ કેજરીવાલ આજે અમદાવાદ પહોંચશે. પંજાબના મુખ્યમંત્રી ભગવંત માન પણ આજે તેમની સાથે અમદાવાદ આવશે. ગુજરાત વિધાનસભાની ચૂંટણીની તારીખ જાહેર થઈ ગઈ છે. ભાજપ, કોંગ્રેસ અને આમ આદમી પાર્ટી પોતાના ઉમેદવારો નક્કી કરવા માટે બુલેટ સ્પીડમાં મીટીંગો કરી રહી છે. તે જ સમયે, ભાજપ છેલ્લા 27 વર્ષથી સત્તામાં છે, તેથી મુખ્ય પ્રધાનનો ચહેરો નિશ્ચિત છે. પરંતુ મુખ્યમંત્રીનો ચહેરો કોણ હશે તે નક્કી કરવું કોંગ્રેસ અને AAP માટે લોઢાના ચણા ચાવવા જેવું છે. પરંતુ આમ આદમી પાર્ટી આજે જાહેર કરશે કે ગુજરાતમાં તેના સીએમ પદનો ચહેરો કોણ હશે. અરવિંદ કેજરીવાલ આજે બપોરે અમદાવાદમાં આ જાહેરાત કરશે.

આપને જણાવી દઈએ કે આમ આદમી પાર્ટીના કન્વીનર અને દિલ્હીના મુખ્યમંત્રી અરવિંદ કેજરીવાલ આજે અમદાવાદ આવશે. પંજાબના મુખ્યમંત્રી ભગવંત માન પણ આજે તેમની સાથે અમદાવાદ આવશે. અરવિંદ કેજરીવાલ અને ભગવંત માન આજે બપોરે 12.45 કલાકે અમદાવાદ એરપોર્ટ પહોંચશે. આ પછી અરવિંદ કેજરીવાલ આજે બપોરે 2 વાગ્યે પ્રેસ કોન્ફરન્સ કરશે. આજે અરવિંદ કેજરીવાલ ગુજરાતની આમ આદમી પાર્ટીના મુખ્યમંત્રીપદના ચહેરાની જાહેરાત કરશે.
દિલ્હીના સીએમ અરવિંદ કેજરીવાલ ગુજરાતની જનતાના મૂડના આધારે શુક્રવારે પાર્ટીના મુખ્યમંત્રી પદના ઉમેદવારના નામની જાહેરાત કરશે. પાર્ટીના અધિકારીઓએ ગુરુવારે આ જાણકારી આપી. 29 ઓક્ટોબરના રોજ કેજરીવાલે લોકોને એસએમએસ, વોટ્સએપ, વોઈસ મેઈલ અને ઈ-મેલ દ્વારા પાર્ટીનો સંપર્ક કરવા અને રાજ્યમાં પાર્ટીના મુખ્યમંત્રી પદના ઉમેદવાર કોણ હોવા જોઈએ તે જણાવવાની અપીલ કરી હતી.
મહત્વનું છે કે, ગુજરાત વિધાનસભા ચૂંટણીની તારીખની જાહેરાત બાદ અરવિંદ કેજરીવાલે લોકોને 3 નવેમ્બર સુધીમાં પોતાનો અભિપ્રાય આપવા જણાવ્યું હતું. સૂત્રોના જણાવ્યા અનુસાર પાર્ટીના પ્રદેશ પ્રમુખ ગોપાલ ઈટાલીયા, રાષ્ટ્રીય મહાસચિવ ઈસુદાન ગઢવી અને મહામંત્રી મનોજ સોરઠીયા મુખ્યમંત્રી પદની રેસમાં છે. કેજરીવાલ શુક્રવારે અમદાવાદમાં એક પ્રેસ કોન્ફરન્સમાં પાર્ટીના મુખ્યમંત્રી પદના ઉમેદવારની જાહેરાત કરશે.