બાળ દિવસની ઉજવણી ના ભાગરૂપે બાળ યુવા મહોત્સવ – ૨૦૨૨ યોજાયો

બાળ દિવસની ઉજવણી ના ભાગરૂપે બોરિજ પ્રાથમિક શાળામાં ” બાળ યુવા મહોત્સવ – ૨૦૨૨ ” નું ગાંધીનગર ટેક્વોન્ડો એસોસિએશન – મિલાપ ટાટારિઆ દ્વારા લોટ ફૂંક, ફુગ્ગા ફોડ અને ચિત્ર સ્પર્ધાનું આયોજન કરવામાં આવ્યું હતું જેમાં ગાંધીનગર ૬૦ થી પણ વધુ વિદ્યાર્થીઓએ સ્પર્ધામાં જોડાઈને ઉત્સાહભેર ભાગ લીધો હતો. સ્પર્ધામાં પ્રથમ, દ્વિતીય અને તૃતીય નંબર વિજેતાઓને પ્રમાણપત્ર તેમજ ટ્રોફી આપી સન્માનિત કરવામાં આવ્યા હતા અને ભાગ લેનાર તમામ સ્પર્ધકોને પ્રમાણપત્ર અને મેડલ આપી મિલાપ ટાટારિઆ દ્વારા પ્રોત્સાહિત કરવામાં આવ્યા હતા. ગાંધીનગરના વ્યાયામ શિક્ષક વિશાલભાઈ થોરત વિશેષ ઉપસ્થિત રહ્યા હતા અને બાળકોને જરૂરી માર્ગદર્શન પૂરું પાડ્યું હતું સાથે બાળ યુવા મહોત્સવ – ૨૦૨૨ ને સરળ રીતે સફળ બનાવવા માટે દરેક સ્પર્ધકો, વડિલો, સ્પર્ધકોના માતા-પિતાશ્રીઓનો આયોજક મિલાપ ટાટારિઆ અને જતીન દવેએ ખૂબ આભાર વ્યક્ત કર્યો હતો.