ન્યુ લાઇફ ઇન્ટરનેશનલ સ્કૂલ ખાતે સ્ટેપ અપ રમતોત્સવ – ૨૦૨૨ યોજાયો

તાજેતરમાં ન્યુ લાઇફ ઇન્ટરનેશનલ સ્કૂલ, કોલવડા ખાતે ગાંધીનગર ટેક્વોન્ડો એસોસિએશન – મિલાપ ટાટારિઆ દ્વારા સ્ટેપ અપ રમતોત્સવ – ૨૦૨૨ નું આયોજન કરવામાં આવ્યું હતું. જેમાં ગાંધીનગરના બાળકોએ ઉત્સાહભેર ભાગ લીધો હતો. જેમાં લીંબુ ચમચી, લોટ ફૂંક અને કોથળા દોડ જેવી અલગ-અલગ સ્પર્ધાઓ યોજવામાં આવી હતી. લીંબુ ચમચી સ્પર્ધામાં પ્રથમ વિજેતા રુતુરાજ વાઘેલા, દ્વિતીય વિજેતા ફાલ્ગુની પુરાબિયા અને તૃતીય વિજેતા હરવીર વાઘેલા રહ્યા હતા. કોથળા દોડ સ્પર્ધામાં પ્રથમ વિજેતા ફાલ્ગુની પુરાબિયા, દ્વિતીય વિજેતા વિરાજ ઠાકોર અને તૃતીય વિજેતા જીયાન મહેરિયા રહ્યા હતા. લોટ ફૂંક સ્પર્ધામાં પ્રથમ વિજેતા તુલસી ઠાકોર, દ્વિતીય વિજેતા પૃથ્વીરાજ દેસાઇ અને તૃતીય વિજેતા રુતુરાજ વાઘેલા રહ્યા હતા. ગાંધીનગર મહાનગરપાલિકાના ડેપ્યુટી મેયર પ્રેમલસિંહ ગોલ, ડૉ. ગુલાબચંદ પટેલ અને ન્યુ લાઇફ ઇન્ટરનેશનલ સ્કૂલના હેડ પ્રી. પ્રાઇમરી ના પ્રતિક્ષા શાહ વિશેષ ઉપસ્થિત રહી બાળકોને જરૂરી માર્ગદર્શન પૂરું પાડ્યું હતું સાથે વિજેતાઓને એમના વરદહસ્તે ટ્રોફી આપીને સન્માનિત કરવામાં આવ્યા હતા અને ભાગ લેનાર તમામ સ્પર્ધકોને સર્ટિફિકેટથી પ્રોત્સાહિત કરવામાં આવ્યા હતા. સ્પર્ધામાં બાળકોમાં અનેરો ઉત્સાહ જોવા મળ્યો હતો.