ધોરણ 9ની 2 વિદ્યાર્થિની સાથે અડપલાં કરનાર ટ્યુશન શિક્ષકની ધરપકડ

શહેરમાં આવેલા એપલવૂડ ટાઉનશિપ ઓર્ચિડ હાઈટસમાં રહેતા અને ઘરે જ ટ્યુશન ક્લાસિસ ચલાવતા શિક્ષકે ધોરણ -૯ ની બે વિદ્યાર્થિનીઓ સાથે શારીરિક અડપલાં કર્યાની ફરિયાદ બંને વિદ્યાર્થિનીના માતા-પિતાએ સરખેજ પોલીસ સ્ટેશનમાં નોંધાવી છે. પોલીસે શિક્ષકની ધ૨પકડ કરી વધુ તપાસ હાથ ધરી છે. સરદાર પટેલ રીંગ રોડ શાંતિપુરા સર્કલ પાસે આવેલા ઓર્ચિડ હાઈટસમાં રહેતા ૪૨ વર્ષિય આલોકકુમાર સિંધ તેના પત્ની અને બાળકો સાથે રહે છે. એમબીએ થયા બાદ આલોકકુમાર 2018થી ઘરેથી જ ટ્યુશન ક્લાસિસ ચલાવે છે. આલોકકુમાર પાસે ટ્યુશનમાં આવતી ધોરણ-૯ ની એક વિદ્યાર્થિનીએ માતા – પિતાને ફરિયાદ કરી હતી કે, આલોકકુમાર તેની સાથે શારીરિક અડપલાં કરે છે, જેથી તે હવે ટ્યુશનમાં નહીં જાય, વિદ્યાર્થિનીના માતા – પિતા આલોકકુમારને મળવા ગયા હતા અને ત્યારે ધોરણ-9માં ભણતી બીજી વિદ્યાર્થિનીને લઈને તેના – પિતા પણ આ જ પ્રકારની ફરિયાદ કરવા આવ્યા હતા. તેઓએ આ અંગે વાત કરી અને બંને વિદ્યાર્થિનીઓના વાલીએ આલોકકુમાર વિરુદ્ધ સરખેજ પોલીસમાં ફરિયાદ નોંધાવી હતી. જેના આધારે પોલીસે આલોકકુમારની ધરપકડ કરીને સાબરમતી જેલમાં મોક્લી આપ્યો. આ સાથે અન્ય કોઈ વિદ્યાર્થિની સાથે છેડતી કે અડપલાં કર્યા છે કે નહીં તે અંગે પણ વધુ તપાસ હાથ ધરી છે.