GPSC વર્ગ 1, 2ની પરીક્ષા આજે 21 જિલ્લામાંથી 1.61 લાખ ઉમેદવારો આપશે

સામાન્ય રીતે GPSC પરીક્ષા માટે દરેક જિલ્લામાં પરીક્ષા કેન્દ્રો ફાળવવામાં આવે છે પરંતુ ઉમેદવારોની ઓછી સંખ્યાને કારણે પ્રથમ વખત પરીક્ષા તમામ જિલ્લાઓમાં નહીં પરંતુ 21 જિલ્લામાં યોજાશે. ઓછા ઉમેદવારો ધરાવતા જિલ્લાના ઉમેદવારોને નજીકના જિલ્લાઓમાં પરીક્ષા કેન્દ્રો ફાળવવામાં આવ્યા છે. ગુજરાત પબ્લિક સર્વિસ કમિશન (GPSC) દ્વારા રવિવારે 102 વર્ગ-1, 2 જગ્યાઓની ભરતી માટે પ્રારંભિક પરીક્ષા લેવામાં આવશે. રાજ્યના 21 જિલ્લાના 633 પરીક્ષા કેન્દ્રો પર યોજાનારી પ્રિલિમ્સમાં હાજર રહેવા માટે 1.60 લાખ ઉમેદવારોએ નોંધણી કરાવી છે. આ ભરતીમાં પ્રથમ વખત 102 જગ્યાઓ પર ડેપ્યુટી કલેક્ટર, ડીવાયએસપીની કોઈ જગ્યાનો સમાવેશ કરવામાં આવ્યો નથી. જાહેર કરાયેલી ભરતીમાં વર્ગ-1ની 31 જગ્યાઓ અને વર્ગ-2ની 70 જગ્યાઓ ભરવામાં આવશે. જગ્યા ઓછી હોવાના કારણે આ વખતે ઓછા વિદ્યાર્થીઓએ ફોર્મ ભરવા માટે નોંધણી કરાવી છે.

અમદાવાદ ગ્રામ્ય વિસ્તારોમાં 90 પરીક્ષા કેન્દ્રો પર 21,300 ઉમેદવારો પરીક્ષા આપશે. પરીક્ષાની તૈયારીના ભાગરૂપે દરેક પરીક્ષા કેન્દ્ર સંચાલકોને બેઠકમાં સૂચના આપવામાં આવી છે કે પરીક્ષામાં કોઈપણ પ્રકારની બાંધછોડ કરવામાં આવશે નહીં. અત્રે ઉલ્લેખનીય છે કે GPSC દ્વારા લેવાયેલી છેલ્લી ત્રણ પરીક્ષાઓમાં અમદાવાદ શહેરને એકપણ પરીક્ષા કેન્દ્ર ફાળવવામાં આવ્યું ન હતું.
GPSC પરીક્ષાની પેટર્નમાં કોઈ ફેરફાર નથી. જીપીએસસીએ દ્વારા જાહેર કરાયેલ જૂની સિસ્ટમ અને અભ્યાસક્રમના આધારે પરીક્ષા લેવામાં આવશે. વિદ્યાર્થીઓએ કરંટ અફેર્સ પ્રશ્નો પર મહેનત કરી હતી
શું કરવું
જીપીએસસીએ દ્વારા જાહેર કરાયેલી જગ્યાઓ પર મદદનીશ રાજ્ય કર કમિશનર, મદદનીશ કમિશનર, સમાજ કલ્યાણ અધિકારી, મદદનીશ નિયામક, શહેર મુખ્ય અધિકારી વગેરેની ખાલી જગ્યાઓ ભરવામાં આવશે.