ગાંધીનગરગુજરાત

બિગ બ્રેકિંગ : આજે લેવાનાર જુનીયર ક્લાર્કનું પેપર લીક થતા પરીક્ષા રદ કરાઇ

ગાંધીનગર :

પંચાયત સેવા પસંદગી મંડળ દ્વારા લેવાનાર આજની જુનીયર ક્લાર્કની પરીક્ષા પેપરનું ગઈકાલે સવારે પેપર લીક થતા મંડળ દ્વારા પરીક્ષા રદ કરવા અંગેની સત્તાવાર રીતે મંડળની વેબસાઇટ ઉપર ઓફિસિયલ જાહેરાત કરવામાં આવી છે. રદ કરવામાં આવેલી પરીક્ષા આજે સવારે ૧૧ વાગે યોજાવાની હતી.

મંડળ દ્વારા સત્તાવાર જાહેરાત કરવામાં આવી હતી કે જાહેરાત ક્ર્માંક ૧૨/૨૦૨૧-૨૨ જુનીયર કલાર્ક(વહીવટ/હિસાબ) ની સ્પર્ધાત્મક પરીક્ષા તા.૨૯- ૦૧-૨૦૨૩ (રવિવાર) ના રોજ સવારે ૧૧-૦૦ થી ૧૨-૦૦ કલાક દરમ્યાન વિવિધ જિલ્લાઓ ખાતે યોજાનાર હતી. તારીખ ૨૯-૦૧-૨૦૨૩ ની વહેલી સવારે પોલીસ તરફથી મળેલ માહિતી મુજબ પોલીસને મળેલ બાતમી આધારે એક શંકાસ્પદ ઇસમની ધરપકડ કરી ઘનિષ્ઠ પુછપરછ કરતાં તેની પાસેથી ઉપરોકત પરીક્ષાના પ્રશ્નપત્રની નકલ મળી આવેલ છે. ઉપરોકત બાબતે તાત્કાલિક અસરથી ફોજદારી રાહે પોલીસ કાર્યવાહી અને આગળની તપાસ કરવામાં આવી રહી છે. પરંતુ ઉમેદવારોના વિશાળ હિતમાં તા.૨૯-૦૧-૨૦૨૩ ના રોજ સવારે ૧૧-૦૦ કલાકે યોજાનાર સ્પર્ધાત્મક પરીક્ષા “મોકુફ” કરવા મંડળ ધ્વારા નિર્ણય કરવામાં આવેલ છે, જેની સર્વે ઉમેદવારશ્રીઓએ નોધ લેવા વિનંતી છે. ઉમેદવારોને પડેલ અગવડતા બદલ મંડળ ખેદ વ્યકત કરે છે. દરેક ઉમેદવારશ્રીને ઉપરોકત કારણોસર પરીક્ષા કેન્દ્ર ખાતે ન જવા જણાવવામાં આવે છે. સદર પરીક્ષા નવેસરથી વહેલી તકે ત્વરીત યોજવામાં આવશે, જેની તારીખ મંડળ ધ્વારા ટુંક સમયમાં હવે પછી જાહેર કરવામાં આવશે..

ગુજરાત પંચાયત સેવા પસંદગી મંડળ દ્વારા આયોજીત જુનિયર ક્લાર્કની લેખિત પરીક્ષા આજરોજ 29મી જાન્યુઆરી 2023ના રોજ સવારે 11.00 કલાકથી બપોરના 12.00 કલાક સુધી યોજાનાર હતી. પરીક્ષા કેન્દ્રોની ભૌગોલિક પરિસ્થિતિ ધ્યાને લઈને પરીક્ષા વિવિધ શાળાઓ તેમજ કોલેજો ખાતે લેવાનાર હતી જે સત્તાવાર રીતે રદ કરવામાં આવેલ છે.

ads image

Leave a Reply

Your email address will not be published. Required fields are marked *